Ecclesiastes 2:22 - Maung A Balita Biblia

²² Mankikimey tan mapagpaga ka legay bilay mo, et antoy nagunggonam?

Maung a Balita Biblia

²² Mankikimey tan mapagpaga ka legay bilay mo, et antoy nagunggonam?

Ecclesiastes 2:22 Iomraidhean Croise

Saray Salmo 127:2

Anggapoy kana na pamasyay panaanap na pambilay, ya onogip na atrasado tan ombangoy masakbay. Ta iiter na Katawan so nakaukolan da ray aaroen to, legan a naogip ira.

Probirbio 16:26

Lapud siba na kumikimey lalon mankokoli, ta labay ton ekaley eras to.

Ecclesiastes 1:3

Antoy nagunggonay too, anggaman a mankimey lan mankimey legan na bilay to?

Ecclesiastes 2:11

Insan ko dinalepdep ya amin iray ginagawak tan say ontan lan impansasagput ko ed impanggagawak. Abirbir kod satan ya anggapoy kakanaan da. Singa ak labat inmosil ed dagem; anggapoy agunggonak.

Ecclesiastes 3:9

Antoy nagunggona na sakey a too ed saray kimey to?

Ecclesiastes 4:6

Nayarin tua ya, balet magmaung niy nawalaan kay daiset a kayaryan a walay kareenan na kanunotan mo nen say biek ta biek so kimey mo a sasalien mon singkaten so dagem.

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Ecclesiastes 5:17

Nagunggona tayoy mambilay a walay bilonget tan ermen, magunigon, mapasnuk, tan walay sakit.

Ecclesiastes 8:15

Kanyan atibokel ed kanunotan ko a nepeg a manliket so sakey a too, ta say panliketan to labat ed sayan bilay et say pangan, say paninom to, tan say pamaliket tod laman ton dili. Nagawaan toy onya no mankikimey legan na inggetar na Dios a pambilay to diad tapew na dalin.

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

Mateo 6:11

Itdan mo kami pay kanen mid sayan agew.

Mateo 6:25

“Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen tan inomen yo, o antoy ikawes yo. Ag ta mamabli niy bilay nen say kakanen? Ag ta mamabli niy laman nen say kawes?

Mateo 6:34

Ag kayo sirin mapaga ed nakaukolan yo nabwas, ta say ontombuk ya agew makaoley lad saray dilin kapagaan to. Ag yo la iyaarum ed sayan agew iray kapagaan nabwas.”

Lucas 12:22

Inkuanen Jesus ed saray disipulo to, “Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen yo, o antoy ikawes yo.

Lucas 12:29

Kanyan ag kayo mapagpaga lawas no antoy kanen tan inomen yo.

1 CORINTO 16:16

ya ontoluk kid sikara, tan diad anggan siopan toon mansasagput tan manlilingkur a singa sikara.

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

1 Timoteo 6:8

Kanyan dapot walay kanen tan ikawes tayo, nepeg a manliket itayo la.

1 Pedro 5:7

Imatalek yod sikato ray amin a kapagaan yo, ta asikasoen to kayo.