Ecclesiastes 2:16 - Maung A Balita Biblia

¹⁶ Anggapoy makakanunot ed saray makabat, anggapo met so makakanunot ed saray makulang-kulang. Diad arapen iran agew, nalingwanan itayon amin. Ompatey ya amin iray katoowan, makabat may makulang-kulang.

Maung a Balita Biblia

¹⁶ Anggapoy makakanunot ed saray makabat, anggapo met so makakanunot ed saray makulang-kulang. Diad arapen iran agew, nalingwanan itayon amin. Ompatey ya amin iray katoowan, makabat may makulang-kulang.

Ecclesiastes 2:16 Iomraidhean Croise

2 Samuel 3:33

Kinanta nen David yan kantay ermen a para si Abner: “Akin et inatey a singa ambagel si Abner?

Saray Salmo 103:16

insan sisiplugey dagem, et naandi la— ag la nanengneng na siopaman.

Saray Salmo 49:10

Nanenengneng na anggan siopa ya ompapatey met iray totoon makabat, saray luko-luko tan saray makulang-kulang, tan ititilak dad saray kabyangay boleg da iray kayamanan da.

Saray Salmo 88:12

Nakakabatan ed ambilonget a pasen iray milagrom odino say kaabigan mo nanenengneng ed dalin na saray alingwanan la?

Exodo 1:6

Diad impankurang na panaon si Jose, saramay agagi to, tan amin a totoo ed saman a kailalakan et inaatey ira.

Exodo 1:8

Sinmabiy panaon a walay balon ari na Egipto ya ag to kabat si Jose.

Probirbio 14:8

Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Ecclesiastes 1:11

Anggapoy toon makanununot no anto so agawa ed linmabas, tan anggapo so toon makanunot no anto so nagawa manlapud natan ya anggad arapen iran agew.

Ecclesiastes 2:14

Saray totoon makabat nanenengneng da so lalaen da, balet saray makulang-kulang ag da nanenengneng. Balet naamtaan ko met a saksakey so pansumpalan tayon amin.

Ecclesiastes 2:15

Insan ninunot kod siak a dili, “No antoy nagagawa ed makulang-kulang, nagawa met ed siak. Anto sirin so nagamuran ko ed mapalalon inkakabat ko?” “Anggapo, ta andi-kakanaan ya,” ebat kod dilin tepet ko.

Ecclesiastes 6:8

Antoy panmaungan na toon makabat ed toon makulang-kulang? Antoy kaabigan a nagunggona na toon mairap-bilay a naamtaan toy mambilay?

Ecclesiastes 7:2

Magmaung niy onlad abung a walay ermen lapud walay inatey nen say onlad abung a walay ponsia, ta diad iyakar ed kawalaay inatey nipanunot a say patey et manaalagar ed sikatayon amin.

Ecclesiastes 8:10

On, akanengneng ak na saray totoon maoges a nipompon tan wala rad saray lobuk da, balet diad kapapawil, manlapud kamposanto, idadayew ira na saray totoo ed dilin siudad a nanggagawaan day kaogsan. Sakey yan andi-kakanaan!

Ecclesiastes 9:15

Walad man ed baley so sakey a toon mairap-bilay a makabat tan nayarian to komun ya iyagel imay baley. Balet anggapoy akanunot ed sikato.

Ecclesiastes 9:5

On, saray mabilay amta ra ya ompatey ira, balet saray inaatey anggapoy amta ran balut. Anggapo lay arum a tumang da; sigput la ran alingwanan.

Malakias 3:16

Insan nantotongtong iray totoon walay takot dad Katawan. Dinmengel so Katawan ed sikara, et nadngel toy imbabaga ra. Diad arap to nisulat so sakey a libro a nipaakar ed saray tinmakot ed Katawan tan angigagalang ed sikato.

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.