Ecclesiastes 2:13 - Maung A Balita Biblia

¹³ Et naamtaan ko a maung niy kakabatan nen say inkakulang-kulang, a singa say liwawa maung ni nen say bilonget.

Maung a Balita Biblia

¹³ Et naamtaan ko a maung niy kakabatan nen say inkakulang-kulang, a singa say liwawa maung ni nen say bilonget.

Ecclesiastes 2:13 Iomraidhean Croise

Saray Salmo 119:105

Say salitam et sakey a lamparaan a mangiwanwan ed siak, tan sakey a liwawad dalan ko.

Saray Salmo 119:130

Say pangipaliwawa na saray salitam et mangiter na liwawa tan kakabatan ed saray anggapoy pakatalus.

Probirbio 14:8

Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Probirbio 16:16

Maung nin amimpiga so nawalaan na kakabatan tan pakaamta nen say nawalaan na balituk tan pilak.

Ecclesiastes 10:10

No ngelngel so wasay mo tan mangiras kan mangyobul, nepeg a pasiaen mon iwasay. Say kakabatan makatulong ed maung a kasumpalan na too.

Ecclesiastes 11:7

Marakep so liwawa na agew, tan maabig ed mata.

Ecclesiastes 7:19

Dakel niy nagawaan na kakabatan para sakey a too nen say nagawaan na samploran manoley para sakey a siudad.

Ecclesiastes 9:16

Kuanko lan gendat a maung niy kakabatan nen say biskeg, balet anggapoy mangipapasen a makabat ed toon mairap-bilay odino ondedengel ed ibabaga to.

Ecclesiastes 9:18

Dakel nin kaabigan so nagawaan na kakabatan nen say nagawaan na saray armas a para bakal, balet say sakey a makasalanan baleg a kaabigan so naderal to.

Malakias 3:18

Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”

Mateo 6:23

Balet no walay sakit na matam, nabilongetan met so intiron laman mo. Kanyan no say liwawan walad sika et bilonget manaya, agaylay bilonget!”

TAGA-EFESO 5:8

Wala kayo nen saman ed bilonget, balet lapud totoo ki lay Katawan, wala ki lad silew. Kanyan mambilay kayo ed nepeg a pambilay da ray totoon walad silew.