Ecclesiastes 2:11 - Maung A Balita Biblia

¹¹ Insan ko dinalepdep ya amin iray ginagawak tan say ontan lan impansasagput ko ed impanggagawak. Abirbir kod satan ya anggapoy kakanaan da. Singa ak labat inmosil ed dagem; anggapoy agunggonak.

Maung a Balita Biblia

¹¹ Insan ko dinalepdep ya amin iray ginagawak tan say ontan lan impansasagput ko ed impanggagawak. Abirbir kod satan ya anggapoy kakanaan da. Singa ak labat inmosil ed dagem; anggapoy agunggonak.

Ecclesiastes 2:11 Iomraidhean Croise

Genesis 1:31

Ninengneng na Dios iray pinalsa to, et maung a tuloy iran amin. Linmabas so labi tan sinmabiy kabwasan—sikato ya so kumanem ya agew.

Saray Salmo 89:47

Nunot mo pa, Katawan, so katikey na bilay ko; nunot mo ya ompatey ya amiy katoowan a pinalsam.

Exodo 39:43

Inapiapiger iran ninengneng nen Moises, et anengneng ton ginawa ray amin a bengatla, onung na ingganggan na Katawan. Kanyan binindisionan nen Moises ray totoo.

Ecclesiastes 1:14

Anengneng kon amin iray agawa diad mundo, et nengneng yo, andi-kakanaan ya amin. Singa oosilan mo so dagem.

Ecclesiastes 1:17

Ginetmak ya aralen so pandomaan na pakatalus tan inkakulang-kulang, say kakabatan tan say kaambagelan. Balet naamtaan ko a singa ak onoosil ed dagem.

Ecclesiastes 1:3

Antoy nagunggonay too, anggaman a mankimey lan mankimey legan na bilay to?

Ecclesiastes 3:9

Antoy nagunggona na sakey a too ed saray kimey to?

Ecclesiastes 5:10

No maaro kad kuarta ag kan balut napenek; no mampilalek kan onyaman ag mon balut nagamuran so amin a pilalek to. Sakey met yan andi-kakanaan.

Ecclesiastes 5:16

Sikato ya met so sakey a maoges. Ontaynan tayo a singa insabi tayo. Et antoy nagunggona tayo no mankikimey tayon singa manisingkat na dagem?

Habacuc 2:13

Andi-kakanaan so nansasagputan na saray bansan dinadakep yo, tan natetemek ed apoy iray impapaalagey da. Say Katawan a Makapanyarin-amin so nanggawad saya.

1 Timoteo 6:6

Baleg a kayamanan so niiter na rilihion ed sakey a too ya amta toy mamasarag na antokaman a walad sikato.