Ecclesiastes 2:1 - Maung A Balita Biblia

¹ Ginetmak a panliketen koy laman kon dili tan suboken ko no anto so kabaliksan na liket. Balet arumogan ko a saya et andi-kakanaan met.

Maung a Balita Biblia

¹ Ginetmak a panliketen koy laman kon dili tan suboken ko no anto so kabaliksan na liket. Balet arumogan ko a saya et andi-kakanaan met.

Ecclesiastes 2:1 Iomraidhean Croise

Genesis 11:7

Onakseb itayo tan pandoromaen tayoy salita ra, pian ag ira makapantatalusan.”

2 Saray Arari 5:5

Inkuan na ari, “Lakad ari na Israel, ta iter mod sikato ya sulat.” Kanyan linmay Naaman a nanawit na talomplon libon pilak, anem a libon balituk, tan samploran marakerakep a kawes.

Saray Salmo 10:6

Kuantod sikaton dili, “Ag ak balut natalo; ag ak balut nagunigon!”

Saray Salmo 14:1

Saray makulang-kulang a totoo kuandad sikaran dili, “Anggapoy Dios!” Maoges ira tan makapataktakot iray ginagawa ra, anggapoy anggan sakey so manggagaway kamaungan.

Saray Salmo 27:8

Nen kuanmo, “Dago kayod siak,” inmebat ak, “Ondago ak ed sika, Katawan.”

Probirbio 14:13

Nayarin niamut na elek so ermen. No naandi lay liket, wala lawas so ermen.

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Ecclesiastes 2:10

Nalak ya amin iray labalabay ko. Ag kon balut sinibletan so laman ko ed antokaman a liket. Inkinon kon amin iray kinimeyan ko, tan tumang ko ra yan amin.

Ecclesiastes 2:15

Insan ninunot kod siak a dili, “No antoy nagagawa ed makulang-kulang, nagawa met ed siak. Anto sirin so nagamuran ko ed mapalalon inkakabat ko?” “Anggapo, ta andi-kakanaan ya,” ebat kod dilin tepet ko.

Ecclesiastes 2:25

No anggapoy Dios, panoy pakalam na antokaman a kanen mo odino panoy pakapanliket mo?

Ecclesiastes 7:4

Makulang-kulang so toon mannununot lawas na nipaakar ed liket. Makabat balet so toon mannununot na nipaakar ed patey.

Ecclesiastes 8:15

Kanyan atibokel ed kanunotan ko a nepeg a manliket so sakey a too, ta say panliketan to labat ed sayan bilay et say pangan, say paninom to, tan say pamaliket tod laman ton dili. Nagawaan toy onya no mankikimey legan na inggetar na Dios a pambilay to diad tapew na dalin.

Isaias 5:5

“Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Isaias 50:11

Sikayon mankokomplut a maneral ed saray arum et naderal kayo ed saray dilin komplut yo. Say dilin Katawan so mangyabuloy ya onyay nagawa; makapasinagem so pansumpalan yon kairapan.

Isaias 50:5

Say Katawan initdan to ak na pakatalus, et ag ak linmaban ed sikato odino inarawian ko.

Lucas 12:19

Insan ikuankod siak a dili, Mapalpalar ka, ta ag ka la onkulang ed amin a nakaukolan mod pigapigan taon. Natan, nayarian mo lay manliket, mangan, tan oninom ya anggapoy pagpagam!’

Lucas 16:19

“Walay sakey a mayaman a mabmabli ray kawes to tan agaylay abig so kakanen ton inagew-agew.

Lucas 16:23

Leleg ton maniirap ed Hadis imay mayaman, anengneng tod arawi si Abraham tan si Lazaro a walad diking to.

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

Santiago 4:13

Dengel yo ya, sikayon mangibabaga, “Onla kami natan o nabwas ed ontan a pasen, tan sakey taon mid man a mannigosio et makatubo kami.”

Santiago 5:1

Dengel yo ya, sikayon mamayaman! Nangisan tan panogaogan yoy kairapan ya onsabid sikayo!

Santiago 5:5

Nanlikeliket tan nanggaygayaga kayo diad tapew na dalin. Pinataba yo ray laman yon singa ra ayayep a pateyen ed niganan agew.