Ecclesiastes 11:9 - Maung A Balita Biblia

⁹ Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Maung a Balita Biblia

⁹ Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Ecclesiastes 11:9 Iomraidhean Croise

Genesis 3:6

Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

1 Saray Arari 18:27

Nen kaagewan la ginapwan nen Elias a lureyen ira, “Ikasil yoy mampikasi! Sikatoy sakey a dios! Ompano mankokogip, odino mampapainawa, odino walay nila to! Odino ompan nanaogip, kanyan nepeg yon bangonen!”

1 Saray Arari 22:15

Nen pinmarontal ed arap nen Ari Acab si Micaya, inkuan na ari ed sikato, “Micaya, dogpaan mi nen Ari Josafat so Ramot-galaad odino andi?” Inmebat si Micaya, “Laka yo, ta manalo kayo. Panaloen kayo na Katawan.”

Say Libro nen Job 31:7

No sinmian ak ed maptek a dalan, odino naayat ak ed kaogsan, no amansaan so limak na kasalanan,

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

Ecclesiastes 12:1

Kanyan nunot yoy Manamalsa yo legan a wala ki nid kalangweran, kasakbayan ya onsabi ray magunigon ya agew tan taon ya ikuanyo, “Ag ak la manliliket ed sayan bilay.”

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Ecclesiastes 2:10

Nalak ya amin iray labalabay ko. Ag kon balut sinibletan so laman ko ed antokaman a liket. Inkinon kon amin iray kinimeyan ko, tan tumang ko ra yan amin.

Ecclesiastes 3:12

Kanyan abirbir ko ya anggapo lay magmaung nin nagawaay too, no ag say panliket tan panggaway maabig legan ton mambilay.

Ecclesiastes 3:17

Inkuankod siak a dili, “Sintinsiaan na Dios so inkatonung tan say kaogsan, lapud amin a bengatla tan amin a kimey et nagawa onung ed nigetar a panaon da.”

Ecclesiastes 6:9

Sakey yan andi-kakanaan; singa ka onoosil ed dagem. Maung niy panliketan moy antokaman a walad sika nen say mansasalat so pampilalekan mo.

Ecclesiastes 7:14

Manliket ka no maligen so bilay mo. Balet no nagugunigon ka, nunot mo: iiter na Dios so liket tan say gunigon tan ag mon balut naamtaan no antoy onsoblay a nagawa.

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Saray Tagleey 3:27

Maung a naaralan na sakey a too so mananos manlapud inkaogaw to.

Saray Bilang 15:30

Balet siopamay gagalaen toy mankasalanan, nianak man ya Israelita odino sakey a sangkaili, ludlureyen toy Katawan tan nepeg a pateyen,

Saray Bilang 15:39

Saray palagoygoy et manangipanunot ira, ta kapag nanengneng yo ra nanunotan yo ray ganggan ko et onuren yo ra; diad satan ag yo ak ikaindan tan ag yo onuren iray labay tan pilalek yo.

Saray Bilang 22:32

Inkuanto may anghil, “Akin et amitlom a pinekpek yay asnom? Linma ak diad mamaat na kurang mo, lapud ag ka nepeg a mila.

Mateo 5:28

Balet ibagak ed sikayo natan: siopamay onlilinggis a walay getma ton marotak ed sakey a bii, mankakasalanan lad puso to na pikakaloguran.

Lucas 12:19

Insan ikuankod siak a dili, Mapalpalar ka, ta ag ka la onkulang ed amin a nakaukolan mod pigapigan taon. Natan, nayarian mo lay manliket, mangan, tan oninom ya anggapoy pagpagam!’

Saray Gawgawa 14:16

Nen saman, pinaolyan na Dios a manggaway labalabay da iray amin a totoo.

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, “Alis ka ni, ta patawag ta ka no walay panaon ko.”

Saray Taga Roma 14:10

Akin et sintinsiaan mo sirin so agim? Tan akin et balawen moy agim? Onarap tayon amin ed panagsintinsiaan na Dios.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

Deuteronomio 29:19

Pampelengan yo ya anggapo diay anggan sakey ed sikayo ya onderengel ed sarayan pagagawa na Dios, a sisiaen tod sikaton dili a maung lawas so kipapasen to, anggaman a diad gaway awet na olo to et gawaen toy labay to. Pateyen kayo na satan a nagawa, sikayon amin, maung may maoges.

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.

Josue 7:21

Diad saramay asamsam akanengneng ak na marakerakep a kolibemben a nanlapud Babilonia, sakey a duaran kilon pilak, tan sakey a baritan balituk a mambelat na kapalduay kilo. Mapalaloy impanlabay kod saraya, kanyan inalak ira. Narumog yo ran akakotkot ed dalem na tuldak; walad daledalem so pilak.”

2 Pedro 3:7

Diad panamegley met na salita na Dios nanaasikaso so tawen tan dalin, pian naderal ira na apoy no onsabiy agew a nasintinsiaan tan nadusa ray maoges a totoo.