Ecclesiastes 10:14 - Maung A Balita Biblia

¹⁴ Ag ontonda a manlabir lan manlabir. Anggapoy toon makaamta no antoy nagawad arapen, kanyan anggapoy makapangibaga ed too no antoy nagawa kayariy ipatey to.

Maung a Balita Biblia

¹⁴ Ag ontonda a manlabir lan manlabir. Anggapoy toon makaamta no antoy nagawad arapen, kanyan anggapoy makapangibaga ed too no antoy nagawa kayariy ipatey to.

Ecclesiastes 10:14 Iomraidhean Croise

Say Libro nen Job 34:37

Aaruman to na pananumlang iray kasalanan to; diad arap tayon amin luludlureyen toy Dios.

Say Libro nen Job 35:16

Job, andi-kakanaan so pangituloy moy pansasalitam; malinlinew ya ag mo amtay sasalitaen mo.”

Probirbio 10:19

Mainomay a makapankasalanan so toon malabir. Makabat so toon madangka ed panagsalita.

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

Ecclesiastes 10:15

Say makulang-kulang maininomay a nakesawan no mankimey, ta ag to amtay anggan onsempet.

Ecclesiastes 3:22

Abirbir ko sirin a say sankaabigan a nagawaan tayo et say panliket ed saray nansagputan tayo. Anggapo lay arum a nagawaan tayo. Anggapoy polaing a pakaamtaan tayo no antoy nagawad sikatayo kayari na ipatey tayo.

Ecclesiastes 5:3

No magunigon ka, lalon dakel so nakogip mon aliwaliwa; no masalita ka, lalon dakel so nasalitam ya andi-kana.

Ecclesiastes 6:12

Siopay makaamta no antoy sankaabigan a para sakey a too ed sayan andi-kakanaan tan antikey a bilay ed tapew na dalin—sakey a bilay a naandipat a singa anino? Siopay makapangibaga no antoy nagawad mundo kapatey to?

Ecclesiastes 7:14

Manliket ka no maligen so bilay mo. Balet no nagugunigon ka, nunot mo: iiter na Dios so liket tan say gunigon tan ag mon balut naamtaan no antoy onsoblay a nagawa.

Ecclesiastes 8:7

Anggapod sikatayoy makapikabat no antoy nagawa ed arapen, tan no siopay mangibagad sikatayo.

Ecclesiastes 9:1

Dinalepdep kon maung so nipaakar ed sarayan amin, et atalusan kon a walad lima na Dios iray gagawaen na saray makabat tan matonung a totoo, anggan say panangaro ra tan say panagbosul da. Anggapoy toon makaamta no antoy nagawa ed arapen a panaon.

Ezekiel 35:13

Nadngel koy mapalalon mapaatagey ya impansasalitam sumpad siak.”