Ecclesiastes 1:2 - Maung A Balita Biblia

² Tuan andi-kakanaan, andi-kakanaan, kuay Managpulong. Andi-kakanaan so bilay, andi-kakanaan ya amin.

Maung a Balita Biblia

² Tuan andi-kakanaan, andi-kakanaan, kuay Managpulong. Andi-kakanaan so bilay, andi-kakanaan ya amin.

Ecclesiastes 1:2 Iomraidhean Croise

Say Libro nen Job 11:12

Onggapon makabat so toon makulang-kulang no ompotiy wawak.

Saray Salmo 144:4

Say too et singa labat siplug na dagem; saray agew to et singa aninon ondadalan.

Saray Salmo 89:47

Nunot mo pa, Katawan, so katikey na bilay ko; nunot mo ya ompatey ya amiy katoowan a pinalsam.

Ecclesiastes 11:10

Ag yo aabuloyan a gunigonen kayo na antokaman odino panliknaen to kayoy kairapan, ta aliwan mabayag so kiwala yo ed kalangweran.

Ecclesiastes 11:8

No andokey so bilay mo nepeg a misalamat ka lapud balang sakey a taon a pambibilay to. Balet nepeg mon nunoten ya andokey niy panaon a sikay inatey nen say panaon a sikay mabilay. Andi-kakanaan ya amin iray onsabi.

Ecclesiastes 12:8

Andi-kakanaan, andi-kakanaan, kuay Managpulong. Amin et andi-kakanaan.

Ecclesiastes 2:11

Insan ko dinalepdep ya amin iray ginagawak tan say ontan lan impansasagput ko ed impanggagawak. Abirbir kod satan ya anggapoy kakanaan da. Singa ak labat inmosil ed dagem; anggapoy agunggonak.

Ecclesiastes 2:15

Insan ninunot kod siak a dili, “No antoy nagagawa ed makulang-kulang, nagawa met ed siak. Anto sirin so nagamuran ko ed mapalalon inkakabat ko?” “Anggapo, ta andi-kakanaan ya,” ebat kod dilin tepet ko.

Ecclesiastes 2:17

Kanyan impasen kon anggapoy kabaliksan so bilay, lapud gunigon labat so inter tod siak. Amin et andi-kakanaan; singa ak inmosil labat ed dagem.

Ecclesiastes 2:19

Nayarin makabat odino makulang-kulang so onsalat ed siak—siopay makaamta? Kayaryanen ton amin iray nansagputan ko tan nalmoan kod sayan mundo lapud kakabatan ko. Andi-kakanaan ya amin.

Ecclesiastes 2:21

Mansasagput ka ya ipoonan mo so kakabatan, pakatalus tan dunong mo, insan mo itilak ed toon ag balut nansagput. Sakey yan andi-kakanaan, tan sakey a baleg a kaogsan.

Ecclesiastes 2:23

Amin a gawaen mo, legay pambilay mo, kapagaan tan sakit na olo so iter da. Anggan diad labi ag mandeen so kanunotan mo. Sakey met yan andi-kakanaan.

Ecclesiastes 2:26

Iiter na Dios so kakabatan, pakatalus, tan liket ed saray mamapaliket ed sikato, balet pankikimeyen, panaanapen, tan pantitiponen to ray makasalanan pian walay niiter ed saray mamapaliket ed sikato. Sakey met yan andi-kakanaan. Singa ka onoosil labat ed dagem.

Ecclesiastes 2:8

Nantipon ak na amayamay a pilak tan balituk a nanlapud saray kayamanan na ari diad saray dalin a nanoleyan ko. Wala ray lalaki tan bibiin nankakanta tan nansasayaw a pamaliket dad siak. Walad siak ya amiy bibiin niamung na too.

Ecclesiastes 3:19

Ta say nagawa ed saray totoo et nagawa met ed saray ayayep; ompatey iran amin. Nampara ra a pinalsa. Anggapoy panmaungan na too ed ayep lapud andi-kakanaan so bilay para ed sikaran dua.

Ecclesiastes 4:16

Nayarin ag nabilang iray totoon ooleyan na sakey ya ari; no sikato la balet so naandid sayan bilay, anggapoy misalamat lapud saray ginagawa to. Sakey met yan andi-kakanaan. Singa ka onoosil labat ed dagem.

Ecclesiastes 4:4

Naaralan ko a saray totoo mapalaloy inkakoli ran mankimey, lapud makakaibeg irad kayaryan na kaabay da. Balet andi-kakanaan met ya. Singa ka met labat onoosil ed dagem.

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Ecclesiastes 5:10

No maaro kad kuarta ag kan balut napenek; no mampilalek kan onyaman ag mon balut nagamuran so amin a pilalek to. Sakey met yan andi-kakanaan.

Ecclesiastes 6:11

No andokey so pisangsangan mo lalon anggapoy kana to, tan anggapoy nagunggonam.

Saray Taga Roma 8:20

Nagmaliw ya andi-kakanaay amin a pinalsa, aliwan lapud linawa ran dili, no ag lapud linaway Dios. Anggaman ontan, wala ni yan ilalo,