Ecclesiastes 1:13 - Maung A Balita Biblia

¹³ Ginetmak a sukiten tan aralen ya amin iray nagagawa diad tapew na dalin. Say Dios impasen to itayod makapasinagem a kipapasen.

Maung a Balita Biblia

¹³ Ginetmak a sukiten tan aralen ya amin iray nagagawa diad tapew na dalin. Say Dios impasen to itayod makapasinagem a kipapasen.

Ecclesiastes 1:13 Iomraidhean Croise

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

Say Libro nen Job 28:3

Susukimaten na saray totoo so sankabilongetan a pasen. Panaanapan day dalem na dalin, Tan mankokotkot iray ankakabaleg a bato ed kabilongetan.

Saray Salmo 111:2

Makapakelaw a tuloy iray gagawaey Katawan! Amin da ray makaliliket ed saraya et labay da ran natalusan.

Probirbio 18:1

Saray totoon ag da amtay miolup ed kapara ran totoo et say pankaabigan da labat so nununoten da; sumpaen day ipapasen a maptek na amin a totoo.

Probirbio 18:15

Say toon maung ya impanolo lawas mampipilalek tan akaparaan a manaral.

Probirbio 23:26

Anak ko, dengel kan maung ed siak, tan alig mo ak ed kabibilay ko.

Probirbio 25:2

Papagalangen tayoy Dios lapud pangyaamut tod saray bengatla, balet papagalangan tayo ray arari lapud saray pangipapaliwawa rad saray bengatla.

Probirbio 4:7

Say sankamanonaan a nayarin gawaen mo et say pananap moy kakabatan. Gawam so anggaay nayarian mo a mananap na pakatalus.

Ecclesiastes 1:17

Ginetmak ya aralen so pandomaan na pakatalus tan inkakulang-kulang, say kakabatan tan say kaambagelan. Balet naamtaan ko a singa ak onoosil ed dagem.

Ecclesiastes 11:5

No panoy ag mo pakatalus ed inggapo na bilay ed eges na sakey a biin malokun, ontan met so ag mo pakatalus ed gagawaen na Dios ya amalsad amin a bengatla.

Ecclesiastes 12:12

Anak ko, wala niy sakey a panalwaran. Anggapoy samput na pansulat na libro, tan pakesawen ka na mapalalon panagaral.

Ecclesiastes 2:23

Amin a gawaen mo, legay pambilay mo, kapagaan tan sakit na olo so iter da. Anggan diad labi ag mandeen so kanunotan mo. Sakey met yan andi-kakanaan.

Ecclesiastes 2:26

Iiter na Dios so kakabatan, pakatalus, tan liket ed saray mamapaliket ed sikato, balet pankikimeyen, panaanapen, tan pantitiponen to ray makasalanan pian walay niiter ed saray mamapaliket ed sikato. Sakey met yan andi-kakanaan. Singa ka onoosil labat ed dagem.

Ecclesiastes 3:10

Amtak iray ambelat a kimey ya inter na Dios ed sikatayo.

Ecclesiastes 3:11

Inggetar toy manepeg a panaon na amin a bengatla. Initdan to tayo na pilalek a mangamta na arapen, balet ag ton balut iter ed sikatayoy kapenek na ayadyarin pakatalus ed saray gagawaen to.

Ecclesiastes 4:4

Naaralan ko a saray totoo mapalaloy inkakoli ran mankimey, lapud makakaibeg irad kayaryan na kaabay da. Balet andi-kakanaan met ya. Singa ka met labat onoosil ed dagem.

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Ecclesiastes 7:25

Inyapasakey koy siak a dili ed pangamta tan panaral; peteg a ginetmak so mansokimat ed kakabatan tan saray ebat na saray tepet ko, tan say pangamtak na kaogsan na inkakulang-kulang.

Ecclesiastes 8:9

Anengneng ko ra yan amin nen ninunot ko ray nagagawa ed sayan mundo, say mundo a wala ray totoon walay pakayari, tan nepeg a manirap iray totoon ooleyan da.

1 Timoteo 4:15

Gawam tan isaklang mod saraya so bilay mo, pian nanengneng na amin so iyaaligwas mod pananisia.