Ecclesiastes 1:10 - Maung A Balita Biblia

¹⁰ Kuanda, “Nengneng yo! Nia so bengatlan balo!” Balet andi, agawa la nen saman, abayag la kasakbayan a nianak itayo.

Maung a Balita Biblia

¹⁰ Kuanda, Nengneng yo! Nia so bengatlan balo! Balet andi, agawa la nen saman, abayag la kasakbayan a nianak itayo.

Ecclesiastes 1:10 Iomraidhean Croise

Ecclesiastes 1:11

Anggapoy toon makanununot no anto so agawa ed linmabas, tan anggapo so toon makanunot no anto so nagawa manlapud natan ya anggad arapen iran agew.

Ecclesiastes 1:9

No antoy agawa la nen saman nagawa lamet. Naolit-olit labat so nagagawa. Anggapoy antokaman a balo diad tapew na dalin.

Ecclesiastes 2:12

Ta say katwaan to, nagawaan labat na ari iray ginagawa la na saray ararin akaona nen say sikato. Kanyan ginapwan kon dinalepdep so kabaliksan na kakabatan, odino kalokowan, tan inkakulang-kulang.

Ecclesiastes 6:10

Amin a nagagawa natan et abayag lan nigetar nen saman nin panaon, tan amta tayo a say too et ag nayarin misangsangan ed mabiskeg nen say sikato.

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

2 Timoteo 3:8

Singa insumlang di Janes tan Jambres ed kinen Moises, ontan da met ira yan totoo: onsusumlang irad katwaan. Anggapo lay kamaungan a nunoten da tan andi-kakanaay pananisia ra.