Deuteronomio 9:7 - Maung A Balita Biblia

⁷ “Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.

Maung a Balita Biblia

⁷ Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.

Deuteronomio 9:7 Iomraidhean Croise

Exodo 14:10

Nen anengneng na saray Israelita so ari tan saray sondalo ton onoosil ed sikara, ataktakot iran maung tan kinmerew ira na tulong ed Katawan.

Exodo 14:11

Inkuandad kinen Moises, “Anggapo ta ray lobuk dimad Egipto? Inawit mo kami dian ompatey ed kalawakan? Nengneng moy ginawam ed impangipaway mod sikamid Egipto!

Exodo 16:2

Diman ed kalawakan, nanriklamod kinen Moises tan Aaron iray amin ya Israelita.

Exodo 17:2

Nanriklamo ra sirin ed kinen Moises tan kuanda, “Itdan mo kamiy danum ya inomen.” Inmebat si Moises, “Akin et manririklamo kayod siak? Akin et susuboken yoy Katawan?”

Exodo 23:21

Dengel kayod sikato tan onur yo. Ag kayo onsusumlang ed sikato, ta ag to pirdonaen iray onsumlang ed sikato. Sikato so imbakik.

Isaias 48:8

Amtak ya ag ka napanmatalkan, a sika lawas so bantug a mananumpa. Sikato yay makasengeg ya ag mo yan balut nadngelan nen saman, ya ag mon balut naamingaw.

Jeremias 11:10

Pinawil da ray kasalanan na saray lalaki ran ag tinmoluk ed saray ingganggan kod sikara; angigalang irad saray arum a diriyos. Dineral na saray totood Israel tan Juda so impisipanan kod saray lalaki ra.

Jeremias 32:30

Manlapu lad inggapoy awaran na saray totood Israel tan saray totood Juda, kaogsan labat so ginagawa ra tan impanpasnuk da ak lapud saray ginagawa ra.

Jeremias 44:9

Alingwanan yo la ra may amin a kaogsan a ginagawa na saray lalaki yo, saray ararid Juda tan saray asawa ra, sikayo tan saray kaasawaan yo, diad saray baley na Juda tan diad saray daladalan na Jerusalem?

Ezekiel 20:13

Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:43

Diad satan nanunotan yo ray amin a makapabaing a ginagawa yo tan no panoy impandodotak yod sikayon dili. Bosulen yoy sikayon dili lapud saray maoges a ginagawa yo.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Ezekiel 36:31

Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.

Saray Bilang 11:4

Wala ray sangkailin kaolup na saray Israelita diad pankukurang ra. Nampilpilalekan day makasira na karni, tan anggan saray dilin Israelita nanriklamo ra: “Oy la komun ta makasira itayo la na karni!

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Saray Bilang 17:10

Say Katawan kuantod kinen Moises, “Ipawil mod arap na Kaban na Sipanan itay baston nen Aaron. Sikatoy nisinup a sakey a pasakbay ed saray mananumpan Israelita ya ompatey ira no ag ira ontondan manriklamo.”

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”

Saray Bilang 25:2

Sarayan bibii iniimbitaan da ra yan lalaki a mipista ed pambagat dad dios na Moab. Saray Israelita angaakan ira tan inggagalang da so

1 CORINTO 15:9

ta sankaabebaan ak ed saray apostol, ag ak ingen manepeg a tawagey apostol, ta pinapairap koy iglisia na Dios.

TAGA-EFESO 2:11

Kanyan nunot yoy gendat a kipapasen yo: nianak kayon Hintil, tan saray Judio a tatawagen day sikaran dili ya asegat, (onung ed gagawaey totood saray laman da) et tatawagen da kayon ag atandaay segat.

Deuteronomio 31:27

Amtak so ontan lan inkaawet na olo ra tan say inkasumlang da. Legan na impanbilay ko sinumlang day Katawan, tan lalo ni ingen so isumlang da no inatey ak la.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Deuteronomio 9:24

Nanlapu lad samay impikabat kod sikayo, susumlangen yo lay Katawan.

Deuteronomio 9:4

“No apataynan la ra na Katawan a Dios yo para sikayo, ag yo ibabagad sikayon dili a pinaloob to kayo ed saman a dalin lapud sikatoy kanepegan yo. Andi, say Katawan et pataynanen ton para sikayo ira yan totoo lapud maoges ira.