Deuteronomio 8:8 - Maung A Balita Biblia

⁸ sakey a dalin a napananian na trigo tan sibada; napamborboran na ubas, igos, granada, tan oliba, tan napanalaan met na dilo.

Maung a Balita Biblia

⁸ sakey a dalin a napananian na trigo tan sibada; napamborboran na ubas, igos, granada, tan oliba, tan napanalaan met na dilo.

Deuteronomio 8:8 Iomraidhean Croise

Genesis 49:11

Isisinger tod sengeg na ubas so kilaw ya asno to, Isisinger tod sankaabigan ya ubas. Ipepesak toy kawes to ed alak ya ambalangan singa dala.

2 Samuel 4:6

Say biin mamapalin na trigo ed puirta et akatomeg insan akaogip, kanyan akaloob ira di Recab tan Baana ya anggapoy akalikas.

1 Saray Arari 5:11

tan si Solomon initdan ton tinaon si Hiram na sanlasus libon sako ya arina tan sanlasus tan samplon libon galon a puron larak na oliba ya ipakan tod saray totoo to.

2 Saray Arari 18:32

anggad panayamen kayo na impirador ed sakey a bansa a singa met lamlamang say bansa yo a wala ray kaubasan a mangiter na ubas tan wala ray trigo a gawaen a tinapay; sakey a dalin a wala ray kiew na oliba, larak na oliba, tan say dilo. No onuren yo ray ganggan to ag kayo ompatey, no ag ta mambilay kayo. Ag yo dedengeley Ezekias no ibaga tod sikayon iyagel kayoy Katawan, ta papalikdoen to kayo labat.

Saray Salmo 147:14

Pansiasiansiaen tod kareenan iray ketegan mo tan pepeneken to kay sankaabigan a trigo.

Saray Salmo 81:16

Balet pakanen ta kayoy sankaabigan a trigo, tan peneken ta kayoy dilod katakelan.”

Isaias 7:23

“No onsabi tan a panaon, saray mararakep a kaubasan a walay sanlibon sengeg na ubas to, tan mambiliy sanlibon pilak so kapag kaubasan, et natuboan na amayamay a masabit a dika.

Jeremias 2:7

Inyakar ko rad sakey a mabonan dalin, pian napanliketan da ray naanid man tan saray arum a bengatlan maabig. Ingen dineral day dalin ko; impagmaliw dan makarimdimla so dalin ya inter kod sikara.

Jeremias 5:17

Kanen da ray bungay tanaman yo tan saray tagano yo; pateyen da ray anak yon lalaki tan bibii. Kanen da ray karniro yo tan saray baka yo; deralen da ray kaubasan tan saray kaigosan yo. Deralen na saray sondalo ra iray panmamatalkan yon siudad ya aliber na padir.

Ezekiel 27:17

Saray taga Juda tan Israel et imbayar dad saray lakom iray trigo, dilo, larak na oliba, tan saray rikado.

Oseas 2:8

Ag ton balut birbiren a siak so angiter ed sikato na trigo, alak, larak na oliba, tan amin a balituk tan pilak ya inkakana tod impangigagalang tod Baal.

Mikias 4:4

Say balang sakey a too et manayam ed kareenan diad kawalaan da ray kaubasan tan saray kakiewan ton igos, et anggapo lay manaktakot ed sikato. Say Katawan a Makapanyarin-amin so angisipan ed saya.

Habacuc 3:17

Anggan anggapoy bungay igos tan saray kaubasan, anggan anggapoy naborbor ed kaolibaan tan anggapoy naanid kaalogan, anggan ompatey ya amin iray karniro tan naandian na baka iray koral,

Saray Bilang 13:23

Akasabi ra ed Patar na Escol, et diman ira amoter na sangay ubas a walay sakey a monggul a bunga to. Diad gaway belat na saramay bunga kinaukolan a duaran katao so anakbat ed tiken. Angisempet met ira na saray bungay granada tan igos. (

Juan 6:13

Tinipon da ra, tan labinduan tiklis so apano ra na kera-kerad saramay limaran tinapay a kinay totoo.

Juan 6:9

“Wala diay sakey ya ogaw a laki a nambaloy limaran tinapay tan duaran sira. Balet piga la ya ed sayan karakel na totoo?”

Deuteronomio 32:13

“Inabuloyan ton manoley ira ed saray atagey a pasen, tan impanbilay day bunga na saray tanaman ed kaalogan. Nanaala ray dilo ed saray sengat na saray ankakabaleg a bato; malambut a tinmobod kabatowan iray kakiewan dan oliba.

Deuteronomio 32:14

Daakan a gatas so inter na saray baka tan saray kanding da; awalaan iray sankaabigan a karniro, kanding, tan baka, awalaan met ira na sankaabigan a trigo, tan sankasamitan ya alak.

Deuteronomio 6:3

Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

Deuteronomio 8:7

Say Katawan a Dios yo et iyakar to kayo ed sakey a mataban dalin—sakey a dalin a wala ray ilog tan kolus to, walad dalem to iray sobul ya onaagus ed saray patar tan kapokdulan;

Deuteronomio 8:9

Ag kayon balut naerasan diman odino niwala kayod pankaukolan. Walay naalan balatyang ed saray ankakabaleg a bato to, tan gansa ed saray kapokdulan to.