Deuteronomio 8:7 - Maung A Balita Biblia

⁷ Say Katawan a Dios yo et iyakar to kayo ed sakey a mataban dalin—sakey a dalin a wala ray ilog tan kolus to, walad dalem to iray sobul ya onaagus ed saray patar tan kapokdulan;

Maung a Balita Biblia

⁷ Say Katawan a Dios yo et iyakar to kayo ed sakey a mataban dalinsakey a dalin a wala ray ilog tan kolus to, walad dalem to iray sobul ya onaagus ed saray patar tan kapokdulan;

Deuteronomio 8:7 Iomraidhean Croise

Genesis 49:11

Isisinger tod sengeg na ubas so kilaw ya asno to, Isisinger tod sankaabigan ya ubas. Ipepesak toy kawes to ed alak ya ambalangan singa dala.

2 Saray Arari 18:32

anggad panayamen kayo na impirador ed sakey a bansa a singa met lamlamang say bansa yo a wala ray kaubasan a mangiter na ubas tan wala ray trigo a gawaen a tinapay; sakey a dalin a wala ray kiew na oliba, larak na oliba, tan say dilo. No onuren yo ray ganggan to ag kayo ompatey, no ag ta mambilay kayo. Ag yo dedengeley Ezekias no ibaga tod sikayon iyagel kayoy Katawan, ta papalikdoen to kayo labat.

Saray Salmo 104:10

Papaagosen mod saray patar iray sobul, tan managagos ed nanleleetan da ray kapokdulan so danum na saray ilog.

Saray Salmo 106:24

Insan impolisay da so balibalin dalin, ta ag da sinisia so sipan na Dios.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Isaias 36:17

anggad panayamen kayo na ari ed sakey a bansa, a singa met lamlamang say bansa yo, a wala ray kaubasan a mangiter na alak, tan wala ray trigo a gawaen a tinapay.

Isaias 5:1

Dengel kayo legan kon manganta, sakey a kanta na kaarok nipaakar ed kaubasan to: Say kaarok walay kaubasan to ed toktok na pokdul a matabay dalin to.

Jeremias 2:7

Inyakar ko rad sakey a mabonan dalin, pian napanliketan da ray naanid man tan saray arum a bengatlan maabig. Ingen dineral day dalin ko; impagmaliw dan makarimdimla so dalin ya inter kod sikara.

Ezekiel 17:5

Insan angalay sakey a malangwer a sengeg na ubas ed dalin na Israel tan intanem to ed mataban alog a kawalaan na dakel a danum a mamatubod sikato.

Ezekiel 20:6

Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Deuteronomio 8:6

Kanyan onur yo so ingganggan na Katawan ed sikayo: mambilay kayo onung ed saray bangat to tan sikatoy takotan yo.

Deuteronomio 8:8

sakey a dalin a napananian na trigo tan sibada; napamborboran na ubas, igos, granada, tan oliba, tan napanalaan met na dilo.

Saray Huis 18:10

No makakar kayod man naimano yo ya anggapoy isisip dan dogpaan ira na anggan siopa. Maawang iman a bansa, tan walan amiy nakaukolan na saray totoo. Inter na Dios iman a dalin ed sikayo.”