Deuteronomio 8:16 - Maung A Balita Biblia

¹⁶ Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Maung a Balita Biblia

¹⁶ Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Deuteronomio 8:16 Iomraidhean Croise

Genesis 22:1

Ag abayag, sinubok na Dios si Abraham; tinawag to, “Abraham!” “Wadya ak,” ebat nen Abraham.

2 Saray Awaran 32:31

Kanyan anggan nen sinmabi ray taga Babilonia a nibakin manosisad nidoma-doman agawa ed bansa to, inabuloyan na Dios si Ezekias a gawaen toy labay ton dili pian nasubok so petepeteg ya inkatoo to.

Say Libro nen Job 42:12

Mapalalo niy impambindision na Katawan ed kaonuran a panaon na impanbilay nen Job nen samay inmonan panaon na impanbilay to. Saray kayaryan nen Job et labinapat a libon karniro, anem a libon kamilyo, duanlibon baka, tan sanlibon kabatyan ya asno.

Saray Salmo 119:68

Agaylay kamaungan mo tan panangasim! Ibangat mo pad siak iray ganggan mo.

Exodo 15:25

Masimoon a nampikasi ed Katawan si Moises, et say Katawan impanengneng tod sikato so sakey a poter na kiew. Imbantak nen Moises ed danum imay poter na kiew, et nagmaliw a nayarin inomen la may danum. Diman so angitdan na Katawan na saray ganggan a nepeg dan tombuken, tan diman so anubokan tod sikara.

Exodo 16:15

Nen anengneng ira na saray Israelita, ag da amta no anto ra man kanyan nantetepetan ira, “Anto ya?” Si Moises kuantod sikara, “Sikato yay kanen yo ya inter na Katawan.

Exodo 16:31

Saray Israelita tinawag da na mana imay kakanen. Sayan mana singa melag ya ampotin bokel na tanaman, tan say taway to singa taway na tirampiak a kanen ya ininay dilo.

Exodo 16:4

Say Katawan kuantod kinen Moises, “Natan paoranen ko a manlapud tawen na kakanen a para sikayon amin. Saray totoo et nepeg ya ompaway iran inagew-agew a manala na kanen dan onduga ed sanagew. Diad onya nasubok ko no onuren da kasi iray bilin ko.

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Probirbio 17:3

Say balituk tan say pilak susuboken na apoy, tan say puso na too susuboken na Katawan.

Daniel 11:35

Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

Deuteronomio 13:3

ag yo dedengelen. Say Katawan a Dios yo et ikana to a panubok ed sikayo, pian naamtaan to no kasi inaro yo ed intiron puso yo tan intiron kamarerwa yo.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Deuteronomio 8:3

Pinaerasan to kayo, insan to kayo initdan na mana a kanen yo, say tagano ya ag yo nin balut atawayan, sikayo tan saray lalaki yo. Onmay ginawa to pian nibangat to kayo ya aliwan tinapay labat so pambilay na too, no ag ingen mambilay met ed amin a salita na Katawan.

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.