Deuteronomio 7:25 - Maung A Balita Biblia

²⁵ Poolan yo ray talintaoy diriyos da. Ag yo pampipilalekan a nakayaryan yo ray balituk odino pilak ya akasolung ed sikara. Ag yo ra aalaen a para sikayo. No alaen yo ran para sikayo, magmaliw iran patit ed sikayo, lapud kabosul na Katawan so pangigalang ed talintaoy dios.

Maung a Balita Biblia

²⁵ Poolan yo ray talintaoy diriyos da. Ag yo pampipilalekan a nakayaryan yo ray balituk odino pilak ya akasolung ed sikara. Ag yo ra aalaen a para sikayo. No alaen yo ran para sikayo, magmaliw iran patit ed sikayo, lapud kabosul na Katawan so pangigalang ed talintaoy dios.

Deuteronomio 7:25 Iomraidhean Croise

2 Saray Arari 23:14

Minekmek nen Ari Josias iray baton lusek, binatang tod sengeg so masanton tiken a nisaklang ed diosan Asera, insan to tinabunan na pokel da ray inaatey so dalin a niletnegan da.

1 Saray Awaran 14:12

Tinaynan diman na saray Filisteo iray talintaoy diriyos da, tan impapopoolan ira nen David.

Exodo 20:17

“Ag mo iibegan so abung na kaparam a too; ag mo iibegan so asawa to, saray aripen to, saray baka to, saray asno to, odino antokaman a kayaryan to.”

Exodo 32:20

Inala to may bakan ginawa ra, tinonaw to, tinemek ton singa pulbo, inlauk tod danum, insan to impainom ed saray Israelita.

Exodo 8:26

Inmebat si Moises, “Aliwan manepeg so ontan a gawaen, ta makapasnuk iray Egipsio no nanengneng da ray ayayep ya ibagat mid Katawan a Dios mi. No ikana mi ray ayep a pakapasnukan na saray Egipsio tan ibagat mi rad pasen a nanengneng da kami, tupaken da kami ya anggad ag mi ipatey.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Isaias 41:24

Sikayo tan amin da ray gagawaen yo et anggapoy kabaliksan; makapaingungot iray mangigagalang ed sikayo!

Levitico 13:52

Say pari poolan to, lapud onkayat yan pikas a nepeg a deralen diad panamegley na apoy.

Levitico 19:4

“Ag yo ak ikakaindan tan ag kayo mangigagalang ed saray talintaoy diriyos; ag kayo manggagawa na saray mital a diriyos insan yo ra pampikasian. Siak so Katawan a Dios yo.

Sofonias 1:3

amin a totoo tan amin ya ayayep, amin a manok tan amin a sira. Iyakar koy pakapelag da ray totoon maoges. Deralen koy amin a katoowan, et anggapon balut so nakeraan a mabilay. Siak, say Katawan, so nansalita.

Deuteronomio 12:3

Igeba yo ray altar da tan mekmek yo ray masanton lusek da. Poolan yo ray tanda na diosan Asera tan batang yo ray talintaoy diriyos da, pian ag la ran balut nigalang ed saraman a pasen.

Deuteronomio 13:16

Pantitipon yon ibunton ed plasa iray amin a kayaryan na saray totoon manaayam diman. Insan yo poolan so baley tan amin a logan to a sikatoy sakey a bagat ed Katawan a Dios yo. Nepeg a satan a baley et paolyan ya aderal-deral ya anggad angga tan ag lan balut pasimbaloen ya ipaalagey.

Deuteronomio 17:1

“Ag kayo mangibabagat ed Katawan a Dios yo na baka odino karniron walay deral na laman; kabosul ya na Katawan.

Deuteronomio 23:18

Ontan met, say kuartan nalmoan ed onyan marotak a kagagawa et ag nayarin iyakar ya ibagat ed Timplo na Katawan a Dios yo diad panumpal na sakey a sinambaan a sipan. Sebel so onya, lapud kabosul na Katawan iray marotak a babayaran a totoo ed Timplo.

Deuteronomio 27:15

“‘Napelag komun so samba na Dios ed siopaman a manggawa na talintaon bato, kiew, odino mital insan to galangen ed maamut; kabosul na Katawan so pangigalangan ed saray talintaoy diriyos.’ “Insan onebat iray amin a totoo, ‘Amen!’

Deuteronomio 7:16

Deral yo ray amin a bansa ya ipatalo ed sikayo na Katawan, tan ag yo ran balut kakasian. Ag yo igagalang iray diriyos da, ta patit ya ed sikayo.

Deuteronomio 7:5

Kanyan sirin, igeba yo ray altar da, deral yo ray masanton baton lusek da, batang yo ray tanda na diosa ran Asera, tan poolan yo ray talintaoy diriyos da.

Josue 7:1

Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

Josue 7:21

Diad saramay asamsam akanengneng ak na marakerakep a kolibemben a nanlapud Babilonia, sakey a duaran kilon pilak, tan sakey a baritan balituk a mambelat na kapalduay kilo. Mapalaloy impanlabay kod saraya, kanyan inalak ira. Narumog yo ran akakotkot ed dalem na tuldak; walad daledalem so pilak.”

Puyan 17:5

Nisulat ed muling toy sakey a ngaran a niamut so kabaliksan to: “Say Makapanyarin Babilonia, ina da ray marotak tan mabanday a bibii ed intiron mundo.”