Deuteronomio 7:21 - Maung A Balita Biblia

²¹ Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

Maung a Balita Biblia

²¹ Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

Deuteronomio 7:21 Iomraidhean Croise

2 Saray Awaran 32:8

Walad sikatoy pakayari na too, balet walad sikatayoy Katawan a Dios tayo ya ontulong ed sikatayo tan milaban ed saray pibakalan tayo.” Apabiskeg so linawa da ray totoo lapud sarayan balikas na ari ra.

Nehemias 1:5

“Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Nehemias 4:14

Anengneng kon mapaga ray totoo, kanyan inkuankod sikara, saray pangulo ra, tan saray opisyal da, “Ag kayo natatakot ed saray kalaban tayo. Nudnunot yo a matalonggaring tan makapataktakot so Katawan. Milaban kayo a pangyagel yod saray kadalaan yo, saray anak yo, saray kaasawaan yo, tan saray kaabungan yo.”

Nehemias 9:32

“O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 46:5

Walad saman a siudad so Dios, kanyan ag balut naderal, tan diad palbangon laen ton tulongan.

Saray Salmo 46:6

Natatakot iray bansa, nagogolo ray nanarian; oneeyag so Dios, et natotonaw so sankamundoan.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 47:2

Nepeg a takotan so Katawan a Sankatageyan; matalonggaring ya ari a manooley ed sankamundoan.

Saray Salmo 68:35

Makapataktakot so Dios no ompapaway ed santuario to— say Dios na Israel. Iitdan toy pakayari tan biskeg iray totoo to. Idayew yoy Dios!

Saray Salmo 89:8

Katawan a Dios a Makapanyarin-amin, anggapoy makapanyarin singa sika; diad amin a bengatla matoor ka, Katawan.

Saray Salmo 95:3

Ta makapanyarin Dios so Katawan makapanyarin ari na amin da ray diriyos.

Exodo 29:45

Manayam ak ed kawalaan na saray Israelita tan siak so Dios da.

Daniel 9:4

Nampikasi ak ed Katawan a Dios ko tan impatwak iray kasalanan na saray totook. Inkuanko, “Katawan a Dios, matalonggaring ka tan gagalangen mi ka. Matoor ka ed impisipanan mo tan ipapanengneng mo lawas so ag mangoman a panangarom ed saray mangaarod sika tan manusumpal na saray ganggan mo.

Saray Bilang 14:14

ibaga rad saray totoon manaayam ed sayan dalin so ginawam. Nadngelan la na sarayan totoo a sika, Katawan, et kaolup mi ka, mabatabatar kan nanengneng no ontonda kan ompetek ed sikami, tan wala kad onaan mi ed nengneng na sakey a lusek a lorem no agew tan sakey a lusek ya apoy no labi.

Saray Bilang 14:42

Ag kayo ontutuloy. Ag kayo olupen na Katawan, tan taloen kayo na saray kalaban yo.

Saray Bilang 14:9

Ag kayo onsusumlang ed Katawan tan ag kayo ontatakot ed saray totoon manaayam diman. Mainomay tayo ran dakepen. Say Katawan kaolup to itayo tan tinalo to ray diriyos ya angyagel ed sikara; kanyan ag kayo natatakot.”

Saray Bilang 16:3

Nantitipon ira ed arap di Moises tan Aaron tan kuandad sikara, “Nalalabas kayo la! Amin da ray totood Israel et kayaryan ira na Katawan, tan oolupen itayon amin na Katawan. Akin sirin, Moises, et ipapasen moy sikan dili ya atagey nen saray amin a katoowan?”

Saray Bilang 21:34

Say Katawan kuantod kinen Moises, “Ag kayo ontatakot ed sikato. Panaloen ta kayo ed sikato, amin a totoo to, tan dalin to. Gawa yod sikato so singa ginawa yo ed kinen Sehon ya ari da ray Amorreo a nanoley ed Hesbon.”

Saray Bilang 23:21

Nanengneng kon say arapen na Israel Et anggapoy gunigon odino kakapoyan. Kaolup da so Katawan a Dios da; Ibabawag da a sikatoy ari ra.

Saray Bilang 9:20

No maminsan pigay agew labat ya akasakbung ed Tulda imay lorem; mabayag man odino magano, nansiansia ra ed kampo odino inmalis ira, onung ed ganggan na Katawan ed sikara.

1 CORINTO 14:25

tan naamtaan to ray iyaamut na puso to. Kanyan ondakmomo, igalang toy Dios, tan ikuanto, “Tuan wadyay Dios ed pegley yo!”

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Deuteronomio 25:8

Diad satan saray pangulo na baley paawit da may laki ta pitongtongan da. No ag to ni labay ya asawaen imay ayro to,

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Josue 8:1

Say Katawan kuantod kinen Josue, “Itagar mo ray amin a sondalo tan laka yod Ai. Ag kayo natatakot o nanaandiay biskeg na linawa. Panaloen ta kayo ed ari na Ai; nakayaryan yo ray totoo to, say siudad to, tan say dalin to.

1 Samuel 4:8

Siopay makapangilaban ed sikatayo ed saray makapanyarin diriyos? Sikaray diriyos ya amatey ed saray Egipsio diad panamegley na saray nandoroman salot diad kalawakan!