Deuteronomio 7:17 - Maung A Balita Biblia

¹⁷ “Ag yo ibabagad sikayon dili a sarayan totoo et dakel ira nen say sikayo kanyan ag yo ra napataynan.

Maung a Balita Biblia

¹⁷ Ag yo ibabagad sikayon dili a sarayan totoo et dakel ira nen say sikayo kanyan ag yo ra napataynan.

Deuteronomio 7:17 Iomraidhean Croise

Isaias 14:13

Ginetmam so onkalab ed tawen tan mangipasen na tronom ed tagey da ray sankatageyan a bitewen. Abaloan mon onirung kan sakey ya ari diad toktok na palandey ed baybay a pantitiponan da ray diriyos.

Isaias 47:8

“Dengel ka, sikan maarod like-liket, sika ya abaloan mon arawi kad kaatapan. Ipapasen moy sikan dili a matalonggaring a singa Dios— ya anggapoy miparad sika. Abaloan mo ya ag kan balut nabalo odino nasalim so nabalangan na anak.

Isaias 49:21

Insan mo ibaga satan ed sikan dili, ‘Siopay angyanak ed sarayan anak a para siak? Abalang ko ray anak ko tan ag ak la makaanak. Nibantak tan apataynan ak ed arawin dalin— siopay amabaleg ed sarayan anak? Atilak ak a bukbukor— iner so nanlapwan na sarayan anak?’”

Jeremias 13:22

No tepeten mo no akin et agawad sika ya, no akin et apilat-pilat so kawes mo tan sikay apasoot, say makasengeg et lapud mapalalo so kasalanan mo.

Saray Bilang 13:32

Kanyan inwakawak dad saray Israelita so tilatilan balita a nipaakar ed samay dalin a ninengneng da. Inkuanda, “Saman a dalin a nila mi et ag napangalaan na magenap a pantagano na anggan saray totoon manaayam diman. Atatagey iray totoon anengneng mid man,

Saray Bilang 21:34

Say Katawan kuantod kinen Moises, “Ag kayo ontatakot ed sikato. Panaloen ta kayo ed sikato, amin a totoo to, tan dalin to. Gawa yod sikato so singa ginawa yo ed kinen Sehon ya ari da ray Amorreo a nanoley ed Hesbon.”

Saray Bilang 33:53

Kayaryanen yo so dalin tan panayaman yo, lapud iter kod sikayo.

Lucas 9:47

Amta nen Jesus no antoy nununoten da, kanyan anawag na sakey ya ogaw tan pinaalagey tod abay to.

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Deuteronomio 15:9

Ag yo iisipen a lapud magano lan onsabi so taon a pamaandid saray utang, et ag yo la pautangen so kadalaan yon mairap-bilay. Ag yo aabuloyan ya onloob ed isip yo so ontan a maoges a kanunotan. No ag yo pabayesen, ontawag ed Katawan na sumpad sikayo, et mankasalanan kayo.

Deuteronomio 18:21

“Nayarin mankelaw kayo no panoy pakapangibaga yo ya ag nanlapud Katawan so salita na sakey a propita.

Deuteronomio 8:17

Kanyan sirin, ag yon balut iisipen a minmayaman kayo lapud biskeg tan pakayari yon dili.

Josue 23:3

Anengneng yo ray amin a ginagawa na Katawan a Dios yo ed amin da ra yan bansa lapud sikayo. Say Katawan a Dios so mibabakal para sikayo.