Deuteronomio 6:7 - Maung A Balita Biblia

⁷ Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Maung a Balita Biblia

⁷ Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Deuteronomio 6:7 Iomraidhean Croise

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Say Libro nen Job 8:10

Balet abuloyan mon ibangat ka na saray makabat a totoo nen saman a panaon; dengel kad ibabaga ra,

Saray Salmo 119:13

Olit-oliten kon ibelyaw ya amin iray ganggan ya inter mo.

Saray Salmo 119:46

Ibawag kod saray arari iray ganggan mo, et ag ak ombaing.

Saray Salmo 129:8

Anggapod saray ondadalan so mangibaga, “Bindisionan kayo komuy Katawan! Bibindisionan mi kayo diad ngaray Katawan.”

Saray Salmo 37:30

Say maung a too kakabatan so ibabalikas to, tan kaptekan so sasalitaen to.

Saray Salmo 71:17

Nanlapud impanogaw ko ibabangat mo ak la, tan totongtongen ko ni ray makapakelkelaw a ginagawam.

Probirbio 10:21

Pankaabigan na amayamay a totoo iray salita na toon matonung, balet nayarin pateyen moy sikan dili lapud inkakulang-kulang.

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

Probirbio 15:7

Say pakaamta ikakayat na saray totoon makabat, aliwan saray makulang-kulang.

Probirbio 6:22

Say bangat da iwanwan da kad pankurang mo, iyagel da ka no labi, tan simbawaan da ka no agew.

Isaias 38:19

Saray mabilay so mangidadayew ed sika, A singa pangidadayew kod sika natan. Ibaga na saray kaamaan ed saray anak da so ontan lan inkatoor mo.

Malakias 3:16

Insan nantotongtong iray totoon walay takot dad Katawan. Dinmengel so Katawan ed sikara, et nadngel toy imbabaga ra. Diad arap to nisulat so sakey a libro a nipaakar ed saray tinmakot ed Katawan tan angigagalang ed sikato.

Mateo 12:35

Maung so manlapud maung a too, lapud napnoy puso to na kamaungan. Maoges so manlapud maoges a too, lapud napnoy puso to na kaogsan.

Lucas 6:45

Maung so manlalapud maung a too, lapud napnoy puso to na kamaungan. Maoges so manlalapud maoges a too, lapud napnoy puso to na kaogsan. Ta manlalapud puso so ibabalikas na sangi.”

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

TAGA-EFESO 6:4

Atateng, apiger yoy kagagawa yod anak yo pian ag yo ra napampasnuk. Ingen, pabaleg yo ra onung ed panagdisiplina tan panamilin na Katawan.

Deuteronomio 11:19

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

COLOSAS 4:6

Nepeg a marakep tan makaayayat lawas a dengelen so pananalita yo, tan nepeg ya amtaen yo no antoy manepeg ya iyebat yod balang sakey a too.

1 Pedro 3:15

Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”

Ruth 2:4

Ag abayag sinmabiy Booz a nanlapud Betlehem. Inlugay nen Booz iray manaani, “Wala komun ed sikayo so Katawan!” Inmebat ira may manaani, “Bindisionan ka komun na Katawan!”

Ruth 4:11

Inkuan da ra may pangulo tan saray arum, “On, sikami ray tasi. Sayan malangwer a bii ya iyamung mo et gawaen komun na Katawan a singa di Raquel tan Lea, a nananak iray amayamay ed kinen Jacob. Onyaman ka komun ed saray kabyangay boleg nen Efrata, tan magmaliw ka komun a bantug ed Betlehem.