Deuteronomio 6:3 - Maung A Balita Biblia

³ Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

Maung a Balita Biblia

³ Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

Deuteronomio 6:3 Iomraidhean Croise

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 13:16

Diad karakel na iter kod sikan kabyangay boleg mo, no bilangen mo ra singa ka mambibilang na dabuk.

Genesis 15:5

Say Katawan pinapaway to tan inkuanto, “Nengneng moy tawen tan salim a bilangen iray bitewen; ontan naani so karakel na saray kabyangay boleg mo.”

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 26:4

Singa karakel na bitewen ed tawen iray iter kod sikan kabyangay boleg mo, tan iter ko yan amin a pasen ed sikara. Amin a bansa kerewen dad siak a bindisionan ko ra a singa pamindision kod saray kabyangay boleg mo.

Genesis 28:14

Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

Saray Salmo 119:4

Katawan inter mod sikami ray ganggan mo, tan imbagam a matoor mi ran onuren.

Exodo 1:7

Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Jeremias 42:6

Maung may maoges so kipaakaran to, onuren miy Katawan a Dios tayo a kekerewen min pangipikasian yod sikami. No ontoluk kamid sikato, maung ya amin so pansumpalan mi.”

Jeremias 7:23

Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Saray Gawgawa 7:17

“Nen asingger lay panaon na panumpal na Dios ed samay sipan tod kinen Abraham, dakerakel la ray Israelita ed Egipto.

Deuteronomio 11:9

Andokey met ed satan so pambilay yo ed mayaman tan mataban dalin ya insipan na Katawan ya iter ed saray lalaki yo tan saray kabyangay boleg da.

Deuteronomio 26:15

Manlapud tad masanton pasen ed tawen osdungan mo pa ray totoom ya Israelita tan bindisionan mo ra; bindisionan mo pa met so mayaman tan mataban dalin ya inter mod sikami onung na insipan mod saray lalaki mi.’

Deuteronomio 26:9

Inyakar to kami diad tan inter tod sikami yan mayaman tan mataban dalin.

Deuteronomio 27:3

insan yo isulat ira yan amin a ganggan tan bangat. No akaloob kayo la ed mayaman tan mataban dalin ya insipan ed sikayo na Katawan a Dios da ray lalaki yo,

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Deuteronomio 4:6

Pampelengan yo ran onuren, ta sikatoy pakabirbiran na saray totood saray arum a bansa a makabat kayo. No narengelan da ra yan amin a ganggan ikuanda, ‘Agay lay kakabatan tan pakatalus na saray totood sayan makapanyarin bansa!’

Deuteronomio 8:8

sakey a dalin a napananian na trigo tan sibada; napamborboran na ubas, igos, granada, tan oliba, tan napanalaan met na dilo.