Deuteronomio 6:2 - Maung A Balita Biblia

² Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Maung a Balita Biblia

² Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Deuteronomio 6:2 Iomraidhean Croise

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Genesis 22:12

“Ag mo didiwiten itay ogaw o panggawaan na antokaman,” inkuanto. “Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.”

1 Saray Arari 8:40

pian takotan ka na saray totoom legay panaon na pambilay da ed dalin ya inter mod saray lalaki ra.

Say Libro nen Job 28:28

Inkuan na Dios ed too, ‘Magmaliw kan makabat no takotan moy Katawan, Nawalaan kay pakatalus no ibatikan moy kaogsan.’”

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Saray Salmo 128:1

Maliket ya amin iray matoluk ed Katawan, saray mambibilay ya onung ed saray ganggan to.

Saray Salmo 91:16

Tumangan ko ra na andokey a bilay, tan ilaban ko ra.”

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Probirbio 3:16

Say kakabatan itdan to kay andokey a bilay, kayamanan, tan kagalangan.

Probirbio 9:11

Say kakabatan parokeyen toy bilay mo diad tapew na dalin.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Jeremias 32:39

Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Ezekiel 20:19

Siak so Katawan a Dios yo. Onur yo ray ganggan ko tan saray bilin ko.

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

Deuteronomio 10:20

Takotan yoy Katawan a Dios yo tan sikatoy panlingkuran yo. Mansiansia kayod sikato tan mansipan kayo ed ngaran to labat.

Deuteronomio 11:9

Andokey met ed satan so pambilay yo ed mayaman tan mataban dalin ya insipan na Katawan ya iter ed saray lalaki yo tan saray kabyangay boleg da.

Deuteronomio 13:4

Tombuk yo so Katawan tan takotan yo; toluk tan sumpal yo ray ganggan to; igalang yo tan mansiansia kayod sikato.

Deuteronomio 15:5

no onuren yo so Katawan tan apiapigeren yon sumpalen iray amin ya ingganggan kod sikayo natan.

Deuteronomio 22:7

Nayarin alaen yo ra may sibong, balet ibolus yo may ina, pian andokey so bilay yo tan maaligwas kayo.

Deuteronomio 30:19

Iiter kod sikayo natan so pankanawnawa yon mampili ed bilay tan patey, bindisionan na Dios tan say samba na Dios, tan tatawagen koy tawen tan dalin a mantasi no antoy pilien yo. Pili yo so bilay.

Deuteronomio 30:20

Aro yo so Katawan a Dios yo, onur yo tan mansiansia kayon matoor ed sikato, et diad ontan saray kabyangay boleg yo et mambilay ira na andokey ed dalin ya insipan ton iter ed saray lalaki yon di Abraham, Isaac, tan Jacob.”

Deuteronomio 4:10

so nipaakar ed samay agew na impanalagey yo ed arap na Katawan a Dios yo diad Palandey na Sinai nen inkuantod siak, ‘Tipon mo ray totoo. Labay kon narengel day labay kon ibaga, pian naaralan day ontoluk ed siak legay pambilay da tan nibangat dan ontoluk met ed siak iray anak da.’

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Deuteronomio 5:16

“‘Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Deuteronomio 6:1

“Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Deuteronomio 6:24

Insan say Katawan a Dios tayo ingganggan to ya onuren mi ra yan ganggan tan sikatoy takotan mi. No sumpalen mi ra ya, asikasoen to lawas so bansa tayo tan paaliguasen to.

Deuteronomio 6:7

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Josue 4:24

Lapud saya naamtaan na balang sakey a too ed tapew na dalin so ontan lan kabaleg na pakayari na Katawan, tan igalang yod anggad angga so Katawan a Dios yo.”

1 Pedro 1:17

Say Dios anggapoy lalabien to. Sintinsiaan toy balang sakey onung ed saray ginagawa to; tan lapud tatawagen yo na Ama, nepeg yon pagalangan legay panayam yo a sangkaili diad tapew na dalin.