Deuteronomio 6:12 - Maung A Balita Biblia

¹² ag yon balut lilingwanan so Katawan ya angipaway ed sikayod Egipto ya akaaripenan yo.

Maung a Balita Biblia

¹² ag yon balut lilingwanan so Katawan ya angipaway ed sikayod Egipto ya akaaripenan yo.

Deuteronomio 6:12 Iomraidhean Croise

2 Saray Arari 17:36

Nepeg yo ak a takotan, siak a Katawan, ya angipaway ed sikayod Egipto diad panamegley na baleg a pakayari; nepeg kayon ondakmomod siak tan mangibagat ed siak.

2 Saray Arari 17:38

tan ag yo nepeg a lingwanan so impisipanan kod sikayo.

Say Libro nen Job 8:13

Onyay kapara da ray totoon anggapoy Dios da; naandi so ilalo ra no Dios so nilingwanan da.

Saray Salmo 103:2

Kamarerwak, idayew moy Katawan, tan ag mo lilingwanan so ontan lan panangasi to.

Saray Salmo 44:17

Agawa ra yan amin ed sikami anggaman ya ag mi ka alingwanan, odino dineral so impisipanan mod sikami.

Saray Salmo 59:11

Ag mo pa ra papateyen, O Dios, ta ompan makalingwan iray totook. Buyak mo pa ra diad panamegley na pakayarim tan talom ira, Katawan a manangyagel mi.

Saray Salmo 78:7

Diad onya manilalo met irad Dios, ag da nalingwanan iray ginagawa to, tan onuren da lawas iray ganggan to.

Exodo 13:14

Diad arapen a panaon, no tepeten na saray anak yo so kabaliksan na sayan gawaen yo, onya so iyebat yo; ‘Diad panamegley na baleg a pakayari na Katawan, impaway to kamid Egipto, say pasen ya akaaripenan mi.

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Isaias 17:10

Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Jeremias 34:13

a Dios na Israel imbaga tod siak ya ikuanko yan salita tod saray totoo: “Akisipanan ak ed saray lalaki yo nen impaway ko rad Egipto tan imbolus ko rad inpakaaripen da. Imbagak ed sikara

Oseas 2:13

Dusaen ko lapud saray panaon ya inkaindan to ak, ta nampopool ed Baal na insinso tan insosolung to ray alahas pian naayat to ray kainarowan to. Say Katawan so nansalita.

Saray Bilang 15:39

Saray palagoygoy et manangipanunot ira, ta kapag nanengneng yo ra nanunotan yo ray ganggan ko et onuren yo ra; diad satan ag yo ak ikaindan tan ag yo onuren iray labay tan pilalek yo.

Deuteronomio 32:18

Alingwanan day Dios da, say makapanyarin manangilaban da, say angiter ed sikara na bilay.

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Deuteronomio 8:10

Walad may amin a labay yon kanen, tan misalamat kayod Katawan a Dios yo lapud saman a mataban dalin ya inter tod sikayo.

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

Saray Huis 2:12

Tinondaan day angigalang ed Katawan a Dios na saray atateng da, say Dios ya angipaway ed sikara ed Egipto. Inggapo da met so angigalang ed saray arum a diriyos na saray totood kaliber-liber da. Dinmadakmomo ra ed sikara, kanyan impampasnuk day Katawan.