Deuteronomio 6:1 - Maung A Balita Biblia

¹ “Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Maung a Balita Biblia

¹ Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Deuteronomio 6:1 Iomraidhean Croise

Exodo 21:1

“Iter mod saray Israelita iray onggendan a ganggan:

Exodo 23:13

“Dengel kayod amin a bengatlan imbagak ed sikayo, siak a Katawan. Ag kayo mampipikasi ed arum a diriyos; ag yo anggan bibitlaen so kangaranan da.

Ezekiel 20:19

Siak so Katawan a Dios yo. Onur yo ray ganggan ko tan saray bilin ko.

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.

Levitico 27:34

Sikara yay ganggan ya inter na Katawan ed kinen Moises diad tagey na Palandey na Sinai; nepeg ira yan onuren na saray totood Israel.

Saray Bilang 36:13

Sikara yay bilin tan totontonen ya inter na Katawan ed saray Israelita diad panamegley nen Moises diad saray patar na Moab ed nibaliw na Ilog na Jordan manlapud Jerico.

Deuteronomio 12:1

“Saraya so ganggan a pampelengan yo ya onuren legan a manaayam kayod dalin ya iiter ed sikayo na Katawan a Dios na saray lalaki yo. Dengel yo ra!

Deuteronomio 3:18

“Diad saman met a panaon inter kod sikara iray onggendan a bilin: ‘Say Katawan a Dios tayo et inter tod sikayo yan dalin ed bokig na Jordan ta panayaman yo. Natan sirin itdan yoy armas iray nayarin mibakal a totoo yo tan pabaliw yo rad Jordan; manayam irad onaan na saray arum a tribu na Israel, ta ibaan da ran manakup ed dalin da.

Deuteronomio 33:3

Inaro na Katawan iray totoo to tan iyaagel to ray totoon kayaryan to. Kanyan ondakmomo itayod saliyan to tan onuren tayo ray ganggan to.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:14

Imbagad siak na Katawan ya ibangat kod sikayo ray amin a ganggan a nepeg yon onuren ed dalin a ngalngali yo la looban tan panayaman.

Deuteronomio 4:45

Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Deuteronomio 5:31

Balet sika, Moises, tilak ka ni dia, ta iter kod sika ray amin a ganggan tan bilin ko. Ibangat mod saray totoo, pian naonur da ra no wala la rad dalin ya iter kod sikara.’

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.