Deuteronomio 5:1 - Maung A Balita Biblia

¹ Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Maung a Balita Biblia

¹ Impantitipon nen Moises iray amin a totood Israel tan kuantod sikara, Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Deuteronomio 5:1 Iomraidhean Croise

Saray Salmo 78:7

Diad onya manilalo met irad Dios, ag da nalingwanan iray ginagawa to, tan onuren da lawas iray ganggan to.

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Exodo 18:20

Nepeg mon ibangat ed sikara iray ganggan na Dios tan ipaliwawam ed sikara no panoy pambilay da tan no antoy nepeg dan gawaen.

Mateo 23:3

Kanyan tombuk tan sumpal yo ray amin ya ibabaga ran gawaen yo. Balet ag yo aaligen so gagawaen da, ta ag da lamlamang susumpaley ibabangat da.

Deuteronomio 1:1

Wadyad sayan libro iray sinalita nen Moises ed saray totood Israel nen wala rad kalawakan a nibokig na Ilog na Jordan. Diad saman a panaon wala rad Patar na Jordan ya asingger ed Suf, diad nanleetan na baley na Paran ed sakey a dapag tan saray baley na Tofel, Laban, Hazerot, tan Dizahab diad sananey a dapag. (

Deuteronomio 11:1

“Aro yo so Katawan a Dios yo tan onur yo lawas iray amin a ganggan to.

Deuteronomio 12:1

“Saraya so ganggan a pampelengan yo ya onuren legan a manaayam kayod dalin ya iiter ed sikayo na Katawan a Dios na saray lalaki yo. Dengel yo ra!

Deuteronomio 17:19

Nepeg a sayan libro et wala lawas ed abay to tan basaen ton naynay legan a mabilay, pian naaralan toy ontakot ed Katawan tan matoor ton naonur iray amin a ganggan a logan to.

Deuteronomio 28:15

“Balet no sumlangen yoy Katawan a Dios yo tan ag yo onuren iray amin a ganggan tan saray bilin to ya iiter tod sikayo natad sayan agew, amin da ra yan samba et nagawad sikayo:

Deuteronomio 29:10

“Natad sayan agew amin yo et manalalagey ed arap na Katawan a Dios yo—saray pangulo yo tan saray opisyal yo, saray lalaki yo,

Deuteronomio 29:2

Impantitipon nen Moises iray amin a totood Israel tan kuantod sikara, “Anengneng yon dili so ginawa na Katawan ed ari na Egipto, saray opisyal to, tan diad intiron bansa.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:49

Sakop to met so intiron dalin a bokig na Ilog na Jordan ya anggad Dayat ya Inatey diad abalaten tan say alusadsar na Palandey na Pisga diad bokig.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Deuteronomio 5:2

Diad Palandey na Sinai akisipanan so Katawan a Dios tayo,

Deuteronomio 6:17

Pampelengan yon onuren iray amin a ganggan ya inter tod sikayo.

Josue 1:8

Nepeg a pampelengan mo a say libro na Ganggan et nibasa lawas no mangigalang kayod siak. Aral mod agew tan labi, tan pampelengan mon onuren iray amin a nisulat. Diad satan onaligwas ka tan maung so pansumpalan mo.