Deuteronomio 4:9 - Maung A Balita Biblia

⁹ Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Maung a Balita Biblia

⁹ Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo

Deuteronomio 4:9 Iomraidhean Croise

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Saray Salmo 119:11

Iyootel kod pusok so ganggan mo, pian ag ak mankasalanan ed sika.

Saray Salmo 71:18

Natan ta matakken ak la tan ampoti lay buek ko, ag mo ak pa ikakaindan, O Dios! Ag mo ak pa tataynan leleg kon ibabawag ed amin a kailalakan ya onsabi so biskeg mo tan say pakayarim.

Exodo 10:2

Ontan met ginawak ira yan milagro, pian nayarian yon salitaen ed saray anak yo tan saray apo yo so impamaabebak ed saray Egipsio nen nanggagawa ak na saray milagro. Naamtaan yo a siak so Katawan.”

Exodo 23:13

“Dengel kayod amin a bengatlan imbagak ed sikayo, siak a Katawan. Ag kayo mampipikasi ed arum a diriyos; ag yo anggan bibitlaen so kangaranan da.

Probirbio 1:8

Anak ko, dengel moy ibabaga na amam tan inam.

Probirbio 23:26

Anak ko, dengel kan maung ed siak, tan alig mo ak ed kabibilay ko.

Probirbio 3:21

Anak ko, bembenan moy kakabatan tan pakatalus a walad sika; ag mo ra iikbanan.

Probirbio 7:1

Anak ko, onur moy ibabagak tan ag mo lilingwanan iray ganggan ko.

Isaias 38:19

Saray mabilay so mangidadayew ed sika, A singa pangidadayew kod sika natan. Ibaga na saray kaamaan ed saray anak da so ontan lan inkatoor mo.

Isaias 42:20

Israel, amayamay so nanenengneng mo, balet anggapoy walad sika. Akalokas iray layag mo, balet anggapoy narerengel mo.”

Jeremias 17:21

Ibagam ed sikara a no inaro ray bilay da, ag ira mansasakbat na antokaman no Agew na Panagpainawa; ag ira manawit na bengatlan idalan dad saray puirta na Jerusalem,

Lucas 8:18

“Kanyan asikaso yoy karerengel yo. Ta say toon wala lay bengatlad sikato, naaruman niy walan bengatlad sikato; balet say toon anggapoy bengatlad sikato, naala so anggan say dagdaiset a bengatlan ipapasen to a walad sikato.”

TAGA-EFESO 6:4

Atateng, apiger yoy kagagawa yod anak yo pian ag yo ra napampasnuk. Ingen, pabaleg yo ra onung ed panagdisiplina tan panamilin na Katawan.

Deuteronomio 11:19

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Deuteronomio 12:1

“Saraya so ganggan a pampelengan yo ya onuren legan a manaayam kayod dalin ya iiter ed sikayo na Katawan a Dios na saray lalaki yo. Dengel yo ra!

Deuteronomio 16:3

No kanen yo yan panangan, ag kayo mangakan na tinapay a walay libadura. Ta pitoy agew mangan kayo na tinapay ya anggapoy libadura to, a singa samay ginawa yo nen tinaynan yon magangganat so Egipto. Akan yo yan tinapay, say tinapay na kairapan, pian legan na pambilay yo nanunotan yo may agew ya impaway yod Egipto, saman a pasen a nanirapan yo.

Deuteronomio 17:19

Nepeg a sayan libro et wala lawas ed abay to tan basaen ton naynay legan a mabilay, pian naaralan toy ontakot ed Katawan tan matoor ton naonur iray amin a ganggan a logan to.

Deuteronomio 29:29

“Wala ray arum a bengatlan iyaamut na Katawan a Dios tayo; balet impaamta tod sikatayo so Ganggan to, et sikatayo tan saray kabyangay boleg tayo nepeg ya onuren tayo ya anggad angga.

Deuteronomio 31:19

“Natan isulat mo yan kanta. Ibangat mod saray totood Israel, pian magmaliw a sakey a tasi a sumpad sikara.

Deuteronomio 32:46

inkuanto, “Pampelengan yon onuren iray ganggan ya inter kod sikayo natad sayan agew. Ibangat yo ra ed saray anak yo, pian matoor da met ya onuren iray amin a bangat na Dios.

Deuteronomio 4:10

so nipaakar ed samay agew na impanalagey yo ed arap na Katawan a Dios yo diad Palandey na Sinai nen inkuantod siak, ‘Tipon mo ray totoo. Labay kon narengel day labay kon ibaga, pian naaralan day ontoluk ed siak legay pambilay da tan nibangat dan ontoluk met ed siak iray anak da.’

Deuteronomio 4:15

“Anggapon balut so anengneng yo nen say Katawan et akisalitad sikayo manlapud apoy diad Palandey na Sinai. Kanyan manalwar kayo,

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Deuteronomio 6:12

ag yon balut lilingwanan so Katawan ya angipaway ed sikayod Egipto ya akaaripenan yo.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Deuteronomio 6:20

“Diad arapen a panaon saray anak yo tepeten dad sikayo, ‘Akin et say Katawan a Dios tayo et ingganggan ton onuren tayo ra yan amin a ganggan?’

Deuteronomio 6:7

Ibangat yo rad saray anak yo. Salita yo ra no wala kayod kaabungan yo tan no wala kayod arawin pasen, no mampapainawa kayo tan no mankikimey kayo.

Deuteronomio 8:11

“Manalwar kayo, ta ompan nalingwanan yo so Katawan a Dios yo; onur yo ray amin a ganggan to ya iiter kod sikayo natan.

Deuteronomio 8:14

manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

Saray Hebreo 2:3

Panon sirin a naliktaran tayoy dusa, no palpaolyan tayoy ontan lan kabaleg na kilalaban? Say Katawan so onaan ya angibawag na sayan kilalaban, tan saray akadngel ed sikato pinaneknekan dad sikatayo a tua ya.

Santiago 2:22

Ditan yo nanengneng a nantekep a nankimey so pananisia to tan saray gawa to, tan nagmaliw a nagnap so pananisia to diad panamegley na saray gawa to.

Josue 1:18

Pateyen so siopaman ya onsumpad pakaoley mo tan onsumlang ed saray ganggan mo. Mampabiskeg kay linawam tan manmatalek ka!”

Josue 23:11

Pampelengan yo sirin ya aroen so Katawan a Dios yo.

Josue 4:21

Insan to inkuan ed saray totood Israel, “Diad arapen a panaon, no tepeten na saray anak yo so kabaliksan na saratan a bato,

Puyan 3:3

Nunot mon maung sirin no anto ray nibangat ed sika tan nadngel mo. Sumpal mo ra, tan mampatauli ka. No ag ka onliing, singa ak matakew ya onlad sika—ag mo amta so oras na isabik.

Saray Huis 3:7

Alingwanan na saray Israelita so Katawan a Dios da; nankasalanan irad sikato tan inggagalang da ray talintao nen Baal tan Asera.

Saray Huis 8:34

Ag da la nilingkuran so Katawan a Dios ya angyagel ed sikara ed saray amin a kalaban dad kaliber-liber da.