Deuteronomio 4:7 - Maung A Balita Biblia

⁷ “Anggapoy arum a bansa, anggan anto lay pakapanyari to, ya asingsingger ed sikato so dios to no nakaukolan to, a singa kinaasingger ed sikato na Katawan a Dios tayo. Eebatan to itayo kapag onkerew tayoy tulong to.

Maung a Balita Biblia

⁷ Anggapoy arum a bansa, anggan anto lay pakapanyari to, ya asingsingger ed sikato so dios to no nakaukolan to, a singa kinaasingger ed sikato na Katawan a Dios tayo. Eebatan to itayo kapag onkerew tayoy tulong to.

Deuteronomio 4:7 Iomraidhean Croise

2 Samuel 7:23

Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa tan saray diriyos da legan a mankukurang iray totoom, saray totoon impaway mod Egipto pian nakayaryan mo ra.

Saray Salmo 145:18

Asingger ed amin da ray ontatawag ed sikato, saray tua so itatawag dad sikato.

Saray Salmo 147:20

Ag to ya ginawa para saray arum a bansa; ag da amta ray ganggan to. Idayew yoy Katawan.

Saray Salmo 148:14

Pinabiskeg toy bansa to, pian idayew na amin a totoo to— saray totood Israel a mabli ran tuloy ed sikato. Idayew yoy Katawan!

Saray Salmo 34:17

Saray matonung ontatawag irad Katawan, et dedengelen to ra; iyaagel to rad amin a gunigon da.

Saray Salmo 34:18

Say Katawan maasinger ed saray nanaekalay biskeg na linawa; ilalaban to ray sigput a naandiay ilalo.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Saray Salmo 73:28

Balet para siak, agaylay abig so maasingger ed Dios, say paiyagel ed Katawan a Dios; say pangibawag na amin a ginagawa to!

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.

Isaias 43:4

Ipatalok ya amin iray bansa pian nilaban koy bilay mo, lapud mabli kad siak tan lapud inaro ta ka tan itdan ta kay kagalangan.

Isaias 55:6

Pawil kayod Katawan tan mampikasi kayod sikato, natan ta asingger ni.

Saray Bilang 23:21

Nanengneng kon say arapen na Israel Et anggapoy gunigon odino kakapoyan. Kaolup da so Katawan a Dios da; Ibabawag da a sikatoy ari ra.

Saray Bilang 23:9

Manlapud tagey na kapokdulan nanengneng ko ra; Manlapud kapokdulan nabantag ko ra. Sakey iran bansan mambibilay a mambukbukor; Amta ra a magmaung niy inkabindisionan da nen saray arum a bansa.

Saray Gawgawa 17:27

Ginawa to ya pian anapen day Dios, ta ompan diad panlilikas dad sikato et narumog da. Balet say katwaan to, ag arawiy Dios ed balang sakey ed sikatayo,

Deuteronomio 26:19

Pagmaliwen to kayon matalonggaring nen saray arum a bansa ya inletneg to, tan sikayoy mangiter na dayew tan kagalangan ed ngaran to. Sikayoy magmaliw a dilin totoo to onung na insipan to.”

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

Deuteronomio 4:32

“Osisa yo so apalabas, say panaon kasakbayan na inkianak yo, manlapud impamalsay Dios ed too diad tapew na dalin. Sukimat yo so intiron mundo. Wala la kasi so agawa nen saman a matalonggaring a singa saya? Wala la kasi so akadngel na singa onyan agawa?

Deuteronomio 5:26

Wala tay toon nambilay kayari ton nadngel a nansalitan nanlapud apoy so mabilay a Dios?

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!