Deuteronomio 4:40 - Maung A Balita Biblia

⁴⁰ Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Maung a Balita Biblia

⁴⁰ Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.

Deuteronomio 4:40 Iomraidhean Croise

Saray Salmo 105:45

pian onuren na saray totoo to iray ganggan to tan sumpalen da ray bilin to. Idayew yoy Katawan!

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Exodo 23:26

Diad dalin yo anggapoy biin naekalan, o biin lepes. Itdan ta kayo na andokey a bilay.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Isaias 65:20

Anggapo lay ompatey ya ogogaw ya ankekelag, tan amin a totoo et nasabi ray nigetar a panaon a pambilay da. Nipasen a malangwer ni so toon nasabi toy sanlasus taon. Mapatnag a dinusak iray ompatey kasakbayan a nasabi ray sanlasus taon.

Jeremias 11:4

Sayan sipanan et ginawak ed saray lalaki ra nen impaway ko rad Egipto, say dalin a singa palbaan na balatyang ed sikara. Imbagak ed sikara ya onuren da ak tan sumpalen da ray ingganggan kod sikara. Imbagak ed sikara a no ontoluk ira magmaliw iran totook tan siak so Dios da.

Jeremias 35:18

Insan imbagak ed saray kabyangay boleg nen Recabita a say Katawan a Makapanyarin-amin a Dios na Israel kuanto, “Inonur yoy ganggan nen laki yon Jonadab; sinumpal yo ray bangat to, tan ginawa yo ray amin ya ingganggan tod sikayo.

Jeremias 7:23

Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Jeremias 7:7

No sumpalen yo ra ya, abuloyan ta kayon manayam ed sayan dalin ya inter kon magnayon a kayaryan na saray lalaki yo.

Levitico 22:31

Say Katawan kuanto, “Onur yo ray ganggan ko; siak so Katawan.

Saray Bilang 10:29

Si Moises kuantod kinen bayaw ton si Hobab a lakin anak nen Jetro a taga Madian, “Ngalngali kami la ompikal ya onlad dalin ya imbagay Katawan ya iter tod sikami. Insipan ton paaligwasen so Israel, kanyan mila kad sikami, et pinabangen mi kad aligwas mi.”

Juan 14:15

“No inaro yo ak, onuren yo ray ganggan ko.

TAGA-EFESO 6:3

“pian maabig so pagmaliwan mo tan andokey so pambilay mo diad tapew na dalin.”

Deuteronomio 11:9

Andokey met ed satan so pambilay yo ed mayaman tan mataban dalin ya insipan na Katawan ya iter ed saray lalaki yo tan saray kabyangay boleg da.

Deuteronomio 12:25

No onuren yo yan ganggan, napaliket so Katawan, et maung lawas so kipapasen yo tan saray kabyangay boleg yo.

Deuteronomio 12:28

Pampelengan yon onuren iray amin ya ingganggan kod sikayo, et anggad angga a maung lawas so kipapasen yo, sikayo tan saray kabyangay boleg yo, lapud matonung tan makapaliket ed Katawan a Dios yo so gawaen yo.

Deuteronomio 22:7

Nayarin alaen yo ra may sibong, balet ibolus yo may ina, pian andokey so bilay yo tan maaligwas kayo.

Deuteronomio 25:15

Ikana yo so tua tan dugan simbangan tan sukatan, pian andokey so pambilay yo ed dalin ya iiter ed sikayo na Katawan a Dios yo.

Deuteronomio 32:47

Aliwan apa ira yan salita; sikaray dilin bilay yo. Onur yo ra et mambilay kayo na andokey ed samay dalin ed nibaliw na Jordan a ngalngali yo la panayaman.”

Deuteronomio 33:25

Niagel komun na saray gansa tan balatyang a puirta iray baley to, Tan arawi ra lawas komun ed kaatapan.”

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:2

Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Deuteronomio 4:6

Pampelengan yo ran onuren, ta sikatoy pakabirbiran na saray totood saray arum a bansa a makabat kayo. No narengelan da ra yan amin a ganggan ikuanda, ‘Agay lay kakabatan tan pakatalus na saray totood sayan makapanyarin bansa!’

Deuteronomio 5:10

Balet aroen ko ray nilibon kailalakan na saray mangarod siak tan mangonur na saray ganggan ko.

Deuteronomio 5:16

“‘Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Deuteronomio 6:18

Gawa yoy amin a maung tan matonung ed arap na Katawan, et maung lawas so kipapasen yo. Nayarian yon kayaryanen so mataban dalin ya insipan na Katawan ed saray lalaki yo,

Deuteronomio 6:3

Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

1 Timoteo 4:8

Walay kaabigan ya iiter na pangipasal na laman. Balet say pangipasal ed masanton panagbilay et lalon maabig so iter to, ta isipan toy bilay a para natan tan diad arapen.