Deuteronomio 4:34 - Maung A Balita Biblia

³⁴ Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

Maung a Balita Biblia

³⁴ Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

Deuteronomio 4:34 Iomraidhean Croise

Saray Salmo 136:12

diad panamegley na mabiskeg tan makapanyari ran taklay to; andi-anggaan so panangaro to.

Saray Salmo 24:8

Siopa yan matalonggaring ya ari? Say Katawan a mabiskeg tan makapanyari, say Katawan a mananalo ed bakal!

Saray Salmo 78:12

Diad imatun da ray lalaki ra, nanggaway milagro so Dios, diad patar na Soan na dalin na Egipto.

Exodo 1:9

Sayan ari inkuantod saray totoo to, “Makapataktakot la ra yan Israelita, ta dakerakel tan makapanyari la ra nen say sikatayo.

Exodo 10:21

Insan inkuan na Katawan ed kinen Moises, “Itorom ed tawen so limam, et nakobutan na mapalalon bilonget so intiron dalin na Egipto, a diad kinabilonget to nalikna na katoowan.”

Exodo 10:7

Saray opisyal na ari kuandad sikato, “Kapigay pangangga na panggunigon na sayan too ed sikatayo? Abuloyan mo la ray Israelitan lalaki ya ontaynan, pian nigalang day Katawan a Dios da. Ag mo ta nanenengneng ya aderal lay Egipto?”

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 14:30

Diad saman ya agew inyagel na Katawan iray Israelita ed saray Egipsio, tan anengneng na saray Israelita a kibalatar ya inaatey ed gilig na dayat iray Egipsio.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Exodo 19:4

“Anengneng yo so ginawak ed saray Egipsio, siak a Katawan, tan say impangawit kod sikayo a singa ontitikyab ya agilan sankaawit tod saray payak to so sibong to, insan ta kayo inyakar dia ed siak.

Exodo 3:10

Natan, ibaki ta ka ed ari na Egipto, pian nipaway mod bansa to iray totook ya Israelita.”

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Exodo 7:3

Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto.

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Jeremias 21:5

Siak a dili so onlaban ed sikayo diad intiron biskeg ko, pasnuk ko, petang na olok, tan sanuk ko.

Jeremias 32:21

Diad panamegley na saray milagro tan pakelaw ya anaktakot ed saray kalaban mi, inkanam so pakayarim tan biskeg mo diad impangipaway mod Egipto na saray totood Israel.

Saray Bilang 20:16

Kanyan kinmerew kami na tulong ed Katawan. Dinengel toy intawag mi, kanyan angibaki na anghil ya angipaway ed sikami manlapud Egipto. Wadya kami natan ed Cades, say baley a miketeg ed nasasakopan mon dalin.

Deuteronomio 1:30

Iwanwan kayo na Katawan a Dios yo, tan milaban para sikayo, a singa anengneng yon ginawa to ed Egipto

Deuteronomio 10:21

Idayew yo—sikatoy Dios yo, tan anengneng na dilin mata yo iray ankakabaleg tan makapakelkelaw a ginagawa ton para sikayo.

Deuteronomio 11:2

Nunot yo natan iray naaralan yo a nipaakar ed Katawan diad panamegley na saray ginagawa to. Aliwan saray anak yo, no ag ingen sikayo, so akanengneng. Anengneng yo so inkatalonggaring na Katawan, say pakayari to, say biskeg to,

Deuteronomio 26:8

Diad panamegley na baleg a pakayari tan biskeg to inyagel to kamid Egipto. Nanggagawa na saray milagro tan pakelaw, tan saray makapataktakot a bengatla.

Deuteronomio 29:3

Anengneng yo ra may makapataktakot a salot, saramay milagro, tan saramay ankakabaleg a pakelaw a ginagawa na Katawan.

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

Deuteronomio 34:12

Anggapoy arum a propitan akagawa na singa saray makapanyari tan makapataktakot a bengatlan ginagawa nen Moises ed arap na amin ya Israelita.

Deuteronomio 5:15

Nunot mo ya aripen ka nen saman ed Egipto, tan siak a Katawan a Dios mo et impaway ta kad man diad panamegley na baleg a pakayarik tan biskeg ko. Kanyan igaganggan ta kan ngilinan mo so Agew na Panagpainawa.

Deuteronomio 6:21

Ibaga yod satan ed sikara, ‘Aripen kami nen saman na ari na Egipto, et say Katawan impaway to kamid Egipto lapud baleg a pakapanyari to.

Deuteronomio 7:19

Nunot yo ra may makapataktakot a salot ya anengneng na dilin mata yo, saramay milagro tan pakelaw, tan samay baleg a pakayari tan biskeg na Katawan a Dios yo ya impangibolus tod sikayo. Pateyen to ra yay totoon tatakotan yo natan a singa impamatey tod saray Egipsio.

Deuteronomio 9:29

Say katwaan to, sikaray totoon pinilim a kayaryan tan impaway mo rad Egipto diad panamegley na baleg a biskeg tan pakayarim.’

Josue 24:7

tinmawag irad siak tan kinmerew iray tulong, et angyan ak na bilonget ed nanleetan da tan saray Egipsion inmosil. Impatabonan kod dayat iray Egipsio et nalner ira. Amta yo no antoy ginawak ed Egipto. “‘Abayag kayon nanayam ed kalawakan.

1 Pedro 5:6

Toluk kayo sirin ed pakayariy Dios, pian itanduro to kayo no onsabiy panaon ya inggana to.