Deuteronomio 4:25 - Maung A Balita Biblia

²⁵ “Anggan abaybayag kayo lan manaayam ed saman a dalin tan awalaan kayo la na saray anak tan apo, ag kayo mankakasalanan diad panggawa yoy antokaman a talintaoy dios. Maoges ya ed arap na Katawan, tan sikatoy makasengeg na pampasnuk to.

Maung a Balita Biblia

²⁵ Anggan abaybayag kayo lan manaayam ed saman a dalin tan awalaan kayo la na saray anak tan apo, ag kayo mankakasalanan diad panggawa yoy antokaman a talintaoy dios. Maoges ya ed arap na Katawan, tan sikatoy makasengeg na pampasnuk to.

Deuteronomio 4:25 Iomraidhean Croise

2 Saray Arari 21:2

Nanggagawa na kaogsan ed arap na Katawan, ta inalig to ray makapaingungot ya ogali da ray pinapataynan na Katawan legan a mankukurang iray totoo to.

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

Exodo 20:4

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Exodo 32:7

Say Katawan kuantod kinen Moises, “Ganatan moy onakseb, ta saray totoom ya impaway mod Egipto et nankasalanan ira tan impolisay da ak.

Ezekiel 8:10

Kanyan linmoob ak tan ninmengneng ak. Nipintad padir iray oleg tan saray arum a marotak ya ayayep onung ed ganggan; nipinta met iray arum a bengatlan gagalangen na saray Israelita.

Oseas 9:17

Say Dios a panlilingkuran ko et ipolisay to ray totoo to, lapud ag ira dinmengel ed sikato. Magmaliw iran akar-akar ed saray bansa.

Oseas 9:9

Mapalaloy kaogsan a gagawaen da; singa samay kaogsan a ginagawa ra nen wala rad Gabaa. Nanunotan na Dios so kasalanan da tan dusaen to ra lapud kaogsan da.

1 CORINTO 10:22

Labay tayo kasin pangimoney Katawan? Mabiskeg itayo ta nen say sikato?

Deuteronomio 16:22

Tan ag kayo mangililira na baton lusek a pangigalangan ed talintaoy dios; kabosul ya na Katawan.

Deuteronomio 27:15

“‘Napelag komun so samba na Dios ed siopaman a manggawa na talintaon bato, kiew, odino mital insan to galangen ed maamut; kabosul na Katawan so pangigalangan ed saray talintaoy diriyos.’ “Insan onebat iray amin a totoo, ‘Amen!’

Deuteronomio 28:45

“Onsabid sikayo ra yan kadederal, tan mansiansia rad sikayo ya anggad ompatey kayo, lapud ag yo inonur so Katawan a Dios yo tan ag yo sinumpal iray ganggan ya inter tod sikayo.

Deuteronomio 28:61

Ipadalan to met ni iray amin a klasiy sakit tan salot ya ag ira abitla ed sayan libro na saray ganggan na Dios tan saray bangat to, et naoput kayo.

Deuteronomio 30:18

naoput kayo—papasakbayan ta kayo la dia natan. Ag kayo mambilay na andokey ed dalin a ngalngali yo la panayaman diad nibaliw na Jordan.

Deuteronomio 30:19

Iiter kod sikayo natan so pankanawnawa yon mampili ed bilay tan patey, bindisionan na Dios tan say samba na Dios, tan tatawagen koy tawen tan dalin a mantasi no antoy pilien yo. Pili yo so bilay.

Deuteronomio 31:29

Amtak a kayariy ipatey ko saray totoo et magmaliw iran maoges tan ipolisay day imbabangat kod sikara. Et diad onsabin panaon nadalan ira na deral, lapud pampasnuken day Katawan diad panggawa ray isesebel to.”

Deuteronomio 32:5

Balet aliwan matoor kayod sikato, aliwa kayon manepeg a totoo to; makasalanan tan managpalikdo kayon bansa.

Deuteronomio 4:16

ompan mankasalanan kayo diad panggawa yoy talintaon kaparpara na antokaman, laki man o bii,

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”

Josue 24:20

et no taynan yo pian makapanlingkur kayod arum iran diriyos, sumpaen to kayo tan dusaen to kayo. Pateyen to kayo, anggaman a maung so ginagawa tod sikayo nen saman.”