Deuteronomio 4:2 - Maung A Balita Biblia

² Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.

Maung a Balita Biblia

² Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.

Deuteronomio 4:2 Iomraidhean Croise

Saray Salmo 78:7

Diad onya manilalo met irad Dios, ag da nalingwanan iray ginagawa to, tan onuren da lawas iray ganggan to.

Probirbio 30:6

No ibagam ya imbaga toy bengatlan ag to imbaga, pampasnukan to ka tan ipanengneng ton matila ka.”

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Jeremias 26:2

say Katawan inkuantod siak, “Manalagey kad patio na Timplo tan ibawag mo ray ingganggan kon salitaen mod saray totoon nanlapud saray baley na Juda a mangigalang diman. Ibagam ya amiy bengatla.

Mateo 5:18

Tandaan yo ya! Naandi so tawen tan dalin, balet anggan say sankamelagan a kabyangay Ganggan so ag naandiay kana anggad pakasumpal na amin a bengatla.

Mateo 5:43

“Nadngel yo met a niganggan nen saman, ‘Arom iray kakaarom tan bosul mo ray kalaban mo.’

TAGA GALACIA 3:15

Agagi, ikanak so alimbawan kabkabat na karaklan a totoo. No pinirmaan lay sakey a sipanan, anggapo lay makaderal ed satan a sipanan, tan ag met la nayarin aruman so insulat.

Deuteronomio 1:3

Diad ononan agew na kumalabinsakey a bulan na kumaapataplon taon kayari ran tinaynan so Egipto, imbaga nen Moises ed saray totoo iray amin a bengatlan ingganggan na Katawan ya ibaga tod sikara.

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Deuteronomio 13:1

“Say sakey a propita odino sakey a managpatalus na kogip et nayarin mangisipan a manggaway sakey a milagro odino sakey a pakelaw,

Deuteronomio 33:4

Onuren tayoy Ganggan ya inter ed sikatayo nen Moises, say Ganggan a sankablian a kayaryan na bansa tayo.

Deuteronomio 4:14

Imbagad siak na Katawan ya ibangat kod sikayo ray amin a ganggan a nepeg yon onuren ed dalin a ngalngali yo la looban tan panayaman.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Deuteronomio 5:32

“Sikayo ran totood Israel pampelengan yon sumpalen iray amin ya ingganggan na Katawan a Dios yo. Ag yo susumlangen so anggan dinan a ganggan to.

Josue 1:7

Pabiskeg mo labat so linawam tan manmatalek ka; pampelengan mon onuren so intiron Ganggan ya inter ed sika nen Moises ya aripen ko. Ag mo papaolyan ya onuren so anggan dinan a parti na sayan Ganggan et onaligwas ka ed anggan iner a laen mo.

Josue 8:35

Balang sakey ed saray ganggan nen Moises et imbasa ra nen Josue ed amin a nantitipon a totoo, pati saray bibii tan saray ogogaw, ontan met ed saray taga arum a bansa a manaayam ed kawalaan da.