Deuteronomio 34:1 - Maung A Balita Biblia

¹ Manlapud saray patar na Moab si Moises linmad Palandey na Nebo, tan kinmalab ed toktok na Palandey na Pisga a nibokig na Jerico, tan diman impanengneng ed sikato na Katawan so intiron dalin na Canaan: say dalin na Galaad ya anggad baybay diad baley na Dan;

Maung a Balita Biblia

¹ Manlapud saray patar na Moab si Moises linmad Palandey na Nebo, tan kinmalab ed toktok na Palandey na Pisga a nibokig na Jerico, tan diman impanengneng ed sikato na Katawan so intiron dalin na Canaan: say dalin na Galaad ya anggad baybay diad baley na Dan;

Deuteronomio 34:1 Iomraidhean Croise

Genesis 13:14

Kasiput nen Lot, inkuan na Katawan ed kinen Abram, “Manlapud tan ed kawalaan mo, nengneng mon maung so kaliber-liber mo;

Genesis 14:14

Nen nadngelan nen Abram ya adakep si kaanakan to, tinawag ton amin iray totoo ton sarag day mibakal tan akatipon na talon lasus tan labinwalon lalaki. Inosilan to ya anggad Dan ira may apatiran arari.

Ezekiel 40:2

Diad sayan pasingayew say Dios inyakar to ak ed dalin na Israel tan inggaton to ak ed toktok na atagey a palandey. Diad bandad arap ko, anengneng koy grupo na saray paalagey a singa ra sakey a siudad.

Saray Bilang 21:20

tan manlapud man inmalis ira ed patar a nasasakopan na saray Moabita, ya ososdongan na Palandey na Pisga, tan tantandagan toy kalawakan.

Saray Bilang 23:14

Intagar tod alog na Zofim diad toktok na Palandey na Pisga. Nanggawa met diman na pitoran altar, insan angibagat na sakey a bakan kalakyan tan sakey a karniron kalakyan ed kapag altar.

Saray Bilang 27:12

Say Katawan kuantod kinen Moises, “Kalab kad Palandey na Abarim tan bantagan mo so dalin ya iter kod saray Israelita.

Deuteronomio 3:27

Lakad toktok na Palandey na Pisga ta bantag kad baybay, diad abalaten, diad bokig, tan diad sagur. Apiapiger mon imanoen so nabantag mo, ta ag kan balut makabaliw ed Ilog na Jordan.

Deuteronomio 32:49

“Lakad Kapalandeyan na Abarim diad dalin na Moab a kasumbaliwan na siudad na Jerico; kalab kad Palandey na Nebo, ta bantag moy dalin na Canaan a ngalngalik la iter ed saray totood Israel.

Deuteronomio 32:52

Nabantag mod arawi so dalin, balet ag ka makaloob ed saman a dalin ya iiter kod saray totood Israel.”

Deuteronomio 34:4

Insan say Katawan kuantod kinen Moises, “Saman so dalin ya insipan kod kindi Abraham, Isaac, Jacob ya iter kod saray kabyangay boleg da. Impanengneng kod sika, balet ag ta ka palooben diman.”

Josue 19:47

Nen abalang na saray totoo na Dan so dalin da, linma rad Lesem tan dinogpaan da. Adakep da, pinapatey da ray totoo to, tan kinayaryan da. Nanayam irad man tan impagmaliw da a Dan so ngaran to may siudad; impara ra ed ngaran na laki ran si Dan.

Josue 22:9

Kanyan sinmempet la ra may totood tribu di Ruben, Gad, tan say kapalduay Manases. Tinaynan da ra may arum a totood Israel diad Silo ed dalin na Canaan, ta onsempet la rad dilin dalin da, say dalin ed Galaad, a sikatoy inala ra onung na ingganggan ed sikara na Katawan diad panamegley nen Moises.

Puyan 21:10

Niwala ak ed pakayari na Ispiritu, tan inyakar to ak may anghil ed toktok na atagtagey tan balbaleg a palandey. Impanengneng tod siak so Jerusalem, say Masanton Siudad, ya onleleksab a nanlapud tawen tan nanlapud Dios.

Saray Huis 18:29

Sinalatan day ngaran to may baley a Lais; insalat da so Dan; impara ra ed ngaran na ateng da a Dan a lakin anak nen Jacob.