Deuteronomio 30:9 - Maung A Balita Biblia

⁹ Say Katawan paaligwasen to kayo ed amin a gawaen yo; nawalaan kayo na amayamay ya anak tan amayamay ya ayayep, tan makaani kayo na daakan ed saray alog yo. No kaonungay impanliket to ya amaaligwas ed saray lalaki yo, ontan met so panliket ton mamaaligwas ed sikayo,

Maung a Balita Biblia

⁹ Say Katawan paaligwasen to kayo ed amin a gawaen yo; nawalaan kayo na amayamay ya anak tan amayamay ya ayayep, tan makaani kayo na daakan ed saray alog yo. No kaonungay impanliket to ya amaaligwas ed saray lalaki yo, ontan met so panliket ton mamaaligwas ed sikayo,

Deuteronomio 30:9 Iomraidhean Croise

Isaias 62:4

Ag ka la natawag na “Nikaindan,” Odino say dalin mo et natawag na “Say tinaynan ya Asawan Bii.” Say ngaran mo magmaliw a “Makakaliket so Dios ed Sikato.” Say dalin mo natawag na “Maliket a Naasawa,” Lapud makaliliket ed sika so Katawan Tan magmaliw kan singa asawan laki ed dalin mo.

Isaias 62:5

Singa sakey a balolakin mangaasawa na sakey a birhin, Say anibokel ed sika asawaen to ka. No panoy panliket na nubio ed nubia to, Ontan met so panliket ed sika na Dios mo.

Isaias 65:19

Manliket ak met lapud Jerusalem tan saray totoo to. Anggapo lad man naaniy manaakisan tan say ontawag ya onkerew na tulong.

Jeremias 31:27

“Siak, say Katawan, kuanko ya onsabiy panaon a panoen ko na totoo tan ayayep so dalin na Israel tan Juda.

Jeremias 31:28

Onung na impangasikasok ed impamagut, impangibalsak, impangipatalo, impaneral, tan impamataynan kod sikara, ontan met so pangasikasok ed pangiletneg tan pamasimbaloy kipapasen da.

Jeremias 32:41

Panliketan koy panggawak na kamaungan ed sikara, tan pansiansiaen ko ran iletneg ed sayan dalin.

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Levitico 26:4

mangipelag ak na oran no manepeg a panaon, pian makapangiter na bunga so dalin tan makapambunga ray kakiewan.

Levitico 26:6

“Itdan ta kayo na kareenan ed dalin yo, kanyan makaogip kayo ya anggapoy manigensigen ed sikayo. Paandipaten kod man iray masebeg ya ayayep ed takel, tan naandi lad may bakal.

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Juan 15:11

“Imbagak ira yad sikayo, pian niwala ed sikayo so liket ko, tan nayadyari so liket yo.

Deuteronomio 28:4

“Say Katawan bindisionan to kayo na amayamay ya anak, daakan a bunga na saray tanaman, tan amayamay a baka tan karniro.

Deuteronomio 28:63

No kaonungan so impanliket na Katawan ed impamaaligwas tan impamarakel tod sikayo, ontan met so panliket tod pamatey tan paneral ed sikayo. Napagit kayod dalin a ngalngali yo la nakayaryan a panayaman.

Deuteronomio 30:8

et tuloken yo lamet tan onuren yo ray amin a ganggan to ya iiter kod sikayo natad sayan agew.

Deuteronomio 7:14

Anggapoy arum a bansa a nabindisionan a mapalalo nen say sikayo. Anggapod sikayo tan anggan saray ayayep yo so magmaliw a lepes.