Deuteronomio 3:9 - Maung A Balita Biblia

⁹ Saray Sidonio et tatawagen da na Sirion so Palandey na Hermon, balet saray Amorreo Senir so panatawag da.)

Maung a Balita Biblia

⁹ Saray Sidonio et tatawagen da na Sirion so Palandey na Hermon, balet saray Amorreo Senir so panatawag da.)

Deuteronomio 3:9 Iomraidhean Croise

1 Saray Awaran 5:23

Saray kabyangan na kapalduay tribu nen Manases nanayam irad dalin na Basan ya Baal-hermon; Senir, tan Palandey na Hermon, dinmakerakel irad man.

Saray Salmo 133:3

Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Saray Salmo 29:6

Paluluksoen ton singa saray kilaw a baka iray kapalandeyan na Libano, tan palologtuten ton singa kilaw a bakan kalakyan so Palandey a Hermon.

Saray Salmo 42:6

Diad bansa a nibantakan ko onsasakit so pusok, kanyan sikatoy nanununotan ko. Tinabunan to ak na saray daluyon na kaermenan; pinadalanan to ak na delap na gewgew, a singa manungol a danum a napepelag ed Jordan manlapud saray Palandey na Hermon tan Mizar.

Saray Salmo 89:12

Ginawam so baybay tan say abalaten; kakantaan ka na Palandey na Tabor tan say Palandey na Hermon lapud liket da.

Kanta nen Solomon 4:8

Mila kad siak a manlapud Kapalandeyan na Libano, O nobiak; gala ta taynan ta so Libano. Akseb kan manlapud toktok na Palandey na Amana, manlapud Palandey na Senir tan Palandey na Hermon, a panaayaman na saray lion tan saray liopardo.

Ezekiel 27:5

Inkana da ray saleng a nanlapud Palandey na Hermon. Say inkana ran palom et sakey a sengeg na sidro a nanlapud Libano.

Josue 11:17

Limaknab so asakop ton dalin manlapud Palandey na Halak diad abalaten ya asingger ed Edom, anggad Baalgad diad baybay, diad patar na Libano ya abalaten na Palandey na Hermon. Abayag ya akibakal si Josue ed saray arari ed sarayan pasen, balet adakep to ran amin tan pinapatey to ra.