Deuteronomio 3:14 - Maung A Balita Biblia

¹⁴ Si Jair a kabyangan na tribu nen Manases et inala ton kayaryan so intiron dalin na Argob, a salanti say Basan, ya anggad ketegan na Gesur tan Maaca. Inngaran tod sikaton dili iray bario, tan anggad natan atawag ni ra a bario nen Jair.)

Maung a Balita Biblia

¹⁴ Si Jair a kabyangan na tribu nen Manases et inala ton kayaryan so intiron dalin na Argob, a salanti say Basan, ya anggad ketegan na Gesur tan Maaca. Inngaran tod sikaton dili iray bario, tan anggad natan atawag ni ra a bario nen Jair.)

Deuteronomio 3:14 Iomraidhean Croise

2 Samuel 10:6

Abirbir na saray Ammonita ya agawa ran kalaban si David, kanyan angupa ray duamplon libon Sirianon sondalo a taga Bet-rehob tan Soba, labinduan libon lalaki a taga Tob, tan say ari ed Maaca a kaiba to ray sanlibon totoo to.

2 Samuel 13:37

Batik si Absalom tan linmad ari na Gesur a si Talmai a lakin anak nen Amihud, tan nanayam diman na taloy taon. Abayag ya inermenan nen David si Amnon;

2 Samuel 14:23

Kanyan pinmikal si Joab, linmad Gesur tan pinapawil tod Jerusalem si Absalom.

2 Samuel 20:26

tan si Ira a taga baley na Jair et sakey met ed saray papari nen David.

2 Samuel 3:3

Kileab, a say ina to et si Abigail a balo nen Nabal a taga Carmel; Absalom, a say ina to et si Maaca ya anak nen Ari Talmai a taga Gesur;

Saray Salmo 49:11

Saray lobuk so panabungan dad anggad angga; diman ira manayam ed amin a panaon, anggaman a wala ray dalin dan dili nen saman.

Jeremias 40:8

Kanyan nila ra si Gedalias ed Mizpa. Saray linma et di Ismael a lakin anak nen Natanias, Johanan a lakin anak nen Carea, Seraya a lakin anak nen Tanhumat, saray lalakin anak nen Efai a taga Metofat, tan Jezanias a taga Maaca.

Saray Bilang 32:41

Si Jair a kabyangan na tribu nen Manases et dinogpaan tan adakep to ray pigaran bario, insan to nginaranan ira na “Saray Bario nen Jair.”

Deuteronomio 3:13

Diad kapaldua na tribu nen Manases impabetang kod sikara so nakdaan a dalin na Galaad tan say amin a dalin na Basan a nanoleyan nen saman nen Og a salanti say intiron dalin na Argob.” (Atawag a dalin na saray Refaim so Basan.

Deuteronomio 3:4

Dinakep tayo met iray amin a baley to—anggapoy baley to ya ag tayo inala. Anemaplon amin so baley ya adakep tayo—say intiron dalin na Argob, a dimay nanoleyan nen Ari Og na Basan.

Josue 12:5

Sakop na nanarian to so Palandey na Hermon, Saleca, tan intiron Basan ya anggad saray ketegan na Gesur tan Maaca; sakop to met so kapaldua na Galaad ya anggad ketegan na nanarian nen Ari Sehon na Hesbon.

Josue 13:13

Balet saray Israelita ag da pinataynan iray totood Gesur tan Maaca; manaayam ni rad Israel ya anggad natan.