Deuteronomio 26:7 - Maung A Balita Biblia

⁷ Insan kinmerew kami na tulong ed Katawan a Dios na saray lalaki mi. Nadngel to kami tan anengneng toy irap mi, segsegang mi, tan say pangaskasiyan a kipapasen mi.

Maung a Balita Biblia

⁷ Insan kinmerew kami na tulong ed Katawan a Dios na saray lalaki mi. Nadngel to kami tan anengneng toy irap mi, segsegang mi, tan say pangaskasiyan a kipapasen mi.

Deuteronomio 26:7 Iomraidhean Croise

Genesis 21:17

Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, “Antoy panggugunigonan mo, Agar? Ag ka natatakot. Arengel na Dios so panaakis na ogaw.

Genesis 29:32

Nanlokun si Lea tan nananak na sakey a laki. Inkuanto, “Anengneng na Katawan so segsegang ko; natan aroen ak la nen asawak”; kanyan inngaran to na Ruben imay ogaw.

2 Samuel 16:12

Angangko imanoen na Katawan so pangaskasiyan a kipapasen ko, et itdan to ak na saray bindision ya onsalat ed sayan panaayew to.”

Saray Salmo 119:132

Lingaw mo ak pa tan kasian mo ak, a singa gagawaen mod saray mangaarod sika.

Saray Salmo 31:8

Ag mo inyabuloy a nadakep ak na saray kalaban ko; initdan mo ak na kawayangan ya onlad labay kon laen.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Exodo 2:23

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Exodo 2:25

Say Dios anengneng toy pakakaaripen da ray Israelita tan inabagey to ra.

Exodo 3:9

Nadngel koy tagleey na saray totook tan anengneng kon peteg so pamapairap na saray Egipsio ed sikara.

Exodo 4:31

Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Exodo 6:5

Natan nadngel koy panngesnges na saray Israelita ya aaripenen na saray Egipsio, tan anunotan koy impisipanan ko.

Jeremias 33:2

Akisalitad siak so Katawan ya amalsa, anibokel, tan angilira ed mundo tan Yahweh so ngaran to. Inkuanto,

1 Samuel 9:16

“Nabwas, sakey ya onyan oras, ibakik ed sikay sakey a lakin kabyangay tribu nen Benjamin; lanaan mo ta sikatoy manoley ed saray totook ya Israelita, tan iyagel to rad saray Filisteo. Anengneng koy kairapan da ray totook, tan nadngel koy ikekerew dad siak na tulong.”