Deuteronomio 26:2 - Maung A Balita Biblia

² balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.

Maung a Balita Biblia

² balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.

Deuteronomio 26:2 Iomraidhean Croise

2 Saray Arari 4:42

Aminsan met, walay toon sinmabin nanlapud Baal-salisa. Inawitan toy Eliseo na duamplon tinapay a ginawad ononan inani a sibada ed saman a taon, tan pigaran kapanggetel a dawa a nikargad sako. Imbaga nen Eliseo ed samay aripen to ya ipakan to ya ed saray propita,

2 Saray Awaran 31:5

Kapangipaakseb ed ganggan na ari, angyaakar iray totood Israel na saray rigalo ran sankaabigan a trigo, alak, larak na oliba, dilo, tan arum ni ran bungay dalin. Inyaakar da met iray kakaplo na antokaman a kayaryan da.

2 Saray Awaran 6:6

Balet natan pinilik so Jerusalem a pasen a pangigalangan ed siak, tan pinili ta ka, David, a manoley ed saray totook.’”

Nehemias 12:44

Diad saman a panaon nipasen iray pigaran lalaki a makaoley ed saray kuarton panagsinupan na saray tulong para Timplo a pati saray kakaplo, tan say trigon ononan anien tan say bungan ononan borboren kapag taon. Sarayan totoo so makaoley a manala, diad kaalogan na nandoroman siudad, na saray rigalon iter na totoo a para saray papari tan saray Levita onung na ibabagay Ganggan. Aliketan ya amin iray totoo na Juda ed saray papari tan saray Levita

Nehemias 13:31

impaiyakar kod manepeg a panaon iray kiew a pampool na saray bagat; impaiyakar ko met ed saray totoo iray bagat dan ononan anien a trigo tan saray ononan borboren a bunga. Ag mo lilingwanan yan amin, O Dios, tan tumangan mo ak pa.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Exodo 23:16

“Silibraan yo so Pista na Panagani no igapo yo lan anien iray bungay tanaman yo. “Silibraan yo so Pista na saray Abung-abung diad samput na taon, no borboren yo la ray bunga na kaubasan yo tan arum a tanaman yo.

Exodo 23:19

“Iyakar yo ed abung na Katawan a Dios yo so sankaabigan ya onaan a trigon naani yo. “Ag yo ilulutod gatas na ina to so kordiro odino kilaw na kanding.

Exodo 34:26

“Kapag taon iyakar yod abung na Katawan a Dios yo so ononan trigon naani yo. “Ag yo ilulutod gatas na ina to so kordiro odino kilaw na kanding.”

Jeremias 2:3

Israel, bukor moy kayaryan ko nen saman; sikay masanton kayaryan ko. Pinairap ko tan initdan ko na segsegang iray amin a mamapasakit ed sika. Siak, say Katawan, so nansalita.”

Ezekiel 20:40

Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Ezekiel 44:30

Kayaryan na saray papari so sankaabigan ed amin da ray onaan a naani tan amin da ray nibagat ed siak. Kapag manggawa na tinapay iray totoo, nepeg ya iter da ed saray papari so ononan tinapay a bagat da, et mansiansia so bindision ko ed saray kaabungan da.

Ezekiel 48:14

Sankaabigan a parti ed intiron dalin so pasen a nisaklang ed Katawan, tan anggapoy antokaman a parti na sayan pasen a nilako, nisalat, odino nialis ed siopaman. Masanto yan pasen tan kayaryan na Katawan.

Levitico 2:12

Say bagat a trigo a manlapud ononan anien ed kapag taon et iyakar ed Katawan, balet ag nepeg a poolan ed tapew na altar.

Levitico 2:14

No mangyakar kayod Katawan na bagat a trigo a manlapud ononan anien yo, mangibagat kayo na inigoban a trigo odino tinapung a trigo.

Saray Taga Roma 11:16

No say ononan tinapay a nanlapud masa et imbagat ed Dios, imbagat met lay intiron masa. No imbagat ed Dios so lamut na kiew, imbagat met la ray sanga to.

Saray Taga Roma 16:5

Ibanoan yo ak met ed saray kabyangay iglisian mantitipon ed abung da ra yan sanasawa. Ibanoan yo ak pa met ed pinablik ya Epeneto, a sikatoy inmona-onan anisiad Cristo dimad luyag na Asia.

Saray Taga Roma 8:23

Aliwan sikara labat so onya; sikatayo met ya angawat na Ispiritu, say onaan ed saray rigaloy Dios, et manngesnges itayod inkasikatayo, legan tin aalagdey Dios a managibi ed sikatayo tan manondon na laman tayo.

1 CORINTO 15:20

Balet say katwaan et naolid bilay si Cristo a pamaneknek a naolid bilay iray inaatey.

1 CORINTO 15:23

Balet balang sakey onung ed niganan panaon to: si Cristo so onaan, insan onsoblay iray totoo nen Cristo, diad ipawil to dia.

1 CORINTO 16:2

Kapag Simba mangibiig lay kuarta so balang sakey ed sikayo onung ed nanaalmoan to, tan tipon yo pian ag la nakaukolay pankoliktay kuarta, no onsabi ak ditan.

Deuteronomio 16:10

insan yo silibraan so Pista na Panagani a pamagalang yod Katawan a Dios yo, diad panamegley na pangisaklang yod sikato na bagat a manlapud mabolus a linawa onung ed karakel na ani ya impamindision tod sikayo.

Deuteronomio 18:4

Sikaray nepeg a mangawat na ononan apag ed trigo, alak, larak na oliba, tan lanan abel.

Deuteronomio 26:1

“No alooban yo lay dalin ya iiter ed sikayo na Katawan a Dios yo, tan panaayaman yo la,

Deuteronomio 26:3

Laka yod pari a peles ton manlilingkur ed satan a panaon tan ikuanyo, ‘Birbiren ko natan ed Katawan a Dios ko ya akaloob ak la ed dalin ya insipan tod saray lalaki mi ya iter ed sikami.’

Santiago 1:18

Onung ed linawa to, initdan to itayoy bilay diad panamegley na tuan salita, pian walay kanepegan tayon magmaliw a sankatalonggaringan ed amin da ray pinalsa to.

Josue 18:1

Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

Puyan 14:4

Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.