Deuteronomio 26:18 - Maung A Balita Biblia

¹⁸ Natad sayan agew say Katawan inawat to kayo a dilin totoo to onung na insipan to; tan ingganggan to kayon onuren yo ray amin a ganggan to.

Maung a Balita Biblia

¹⁸ Natad sayan agew say Katawan inawat to kayo a dilin totoo to onung na insipan to; tan ingganggan to kayon onuren yo ray amin a ganggan to.

Deuteronomio 26:18 Iomraidhean Croise

2 Samuel 7:24

Ginawam ya andi-anggaan a totoom so Israel tan sika, Katawan, so nagmaliw a Dios da.

Saray Salmo 119:6

No imanoen kon amin iray ganggan mo, ag ak nabaingan.

Saray Salmo 135:4

Pinili ton para sikaton dili si Jacob, saray totood Israel.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Jeremias 13:11

Kanyan no panoy kaelet ed awak yan potut a pantalon, ontan met so kaelet a labay kon nepeg ya ipeket ed siak na amin a totood Israel tan Juda. Onyay ginawak pian magmaliw iran totook, tan mangiter iray dayew tan galang ed ngaran ko; balet ag da ak inonur.”

Levitico 20:26

Nepeg a masanto kayo tan siak labat so akankayaryan ed sikayo, lapud siak so Katawan tan masanto ak. Imbiig ta kayo ed saray arum a bansa pian sikayo labat so kayaryan ko.

Sofonias 3:20

Onsasabi lay panaon! Pasempeten ko ray totoo yon nikaykayat; pagmaliwen ta kayon bantug ed intiron mundo tan paaligwasen ta kayo lamet.” Say Katawan so nansalita.

Saray Taga Roma 16:26

Nibawag la ya natan a katwaan diad panamegley na saray insusulat da ray propita; tan lapud ganggan na andi-anggaan a Dios, nipakabat ed saray amin a bansa pian manisia tan mangonur iray amin a katoowan.

Deuteronomio 14:2

Kayaryan kayo na Katawan a Dios yo; pinili to kayon dilin totoo to diad saray amin a totood tapew na dalin.

Deuteronomio 27:10

kanyan onur yo tan sumpal yo ray amin a ganggan to ya iiter kod sikayo natad sayan agew.”

Deuteronomio 28:1

“No onuren yo so Katawan a Dios tan matoor yon sumpalen iray ganggan to ya iiter kod sikayo natad sayan agew, pagmaliwen to kayon matalonggaring nen saray arum a bansa ed tapew na dalin.

Deuteronomio 28:9

“No onuren yoy Katawan a Dios yo tan sumpalen yo ray amin a ganggan to, pagmaliwen to kayon dilin totoo to, onung na insipan to.

Deuteronomio 29:13

pian napaletan to natan a sikayo ray totoo to tan sikato so Dios yo, onung na insipan tod sikayo tan saray lalaki yon di Abraham, Isaac, tan Jacob.

Deuteronomio 4:20

Balet sikayo ray totoon inyagel tod Egipto ya aliling toy manliub a palbaan. Impaway to kayod man pian pagmaliwen to kayon dilin totoo to a sikatoy kipapasen yo natan.

Deuteronomio 7:6

Gawa yo ra ya, ta kayaryan kayo na Katawan a Dios yo. Diad amin da ray totood tapew na dalin pinili to kayon dili a nidoma-doman totoo to.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.