Deuteronomio 26:15 - Maung A Balita Biblia

¹⁵ Manlapud tad masanton pasen ed tawen osdungan mo pa ray totoom ya Israelita tan bindisionan mo ra; bindisionan mo pa met so mayaman tan mataban dalin ya inter mod sikami onung na insipan mod saray lalaki mi.’

Maung a Balita Biblia

¹⁵ Manlapud tad masanton pasen ed tawen osdungan mo pa ray totoom ya Israelita tan bindisionan mo ra; bindisionan mo pa met so mayaman tan mataban dalin ya inter mod sikami onung na insipan mod saray lalaki mi.

Deuteronomio 26:15 Iomraidhean Croise

Isaias 63:15

Katawan, manlapud tawen a panaayaman mo ed inkasantom tan kagalangan mo, nengneng mo kami pa. Iner so kawalaay baleg a panangimasakit mod sikami? Iner so kawalaay pakayarim? Kawalaay panangarom tan panangasim? Ag mo kami pa ibebeneg.

Zacarias 2:13

Mandeen kayo, amin yon totoo ed arap na Katawan, ta sikatoy onsasabin nanlapud masanton ayaman ton pasen.

Saray Gawgawa 7:49

‘Say tawen so tronok, kuay Katawan, tan say dalin so toonan na saray salik. Anton klasiy abung so ipaalagey yon para siak? Iner a pasen so panayaman ko?

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’

1 Saray Arari 8:43

dengel mo pay pikakasi to. Diad ayaman mod tawen dengel mo pa, tan iter mo so antokaman a kerewen tod sika, pian naamtaan tan takotan ka na amin a katoowan ed mundo a singa pakaamta tan itatakot ed sika na saray dilin totoom. Naamtaan dad satan a diad sayan Timplo ya impaalagey ko so nepeg a pangigalangan ed sika.

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

Mateo 6:9

Onyay pampikasi yo sirin: ‘Ama min walad tawen: Nagalang komuy ngaran mo;

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Saray Salmo 90:17

Katawan a Dios mi, bindisionan mo kami pa. Paaligwas mo kami pad amin a gagawaen mi!

Saray Salmo 51:18

O Dios, kasian mo pay Sion tan tulongan mo; ipaalagey mo pa lamet iray padir na Jerusalem.

Saray Salmo 28:9

Ilaban mo pa ray totoom, O Katawan, tan bindisionan mo pa ray totoon kayaryan mo! Sika komuy pumapastol da, tan asikasom ira ya anggad angga.

Deuteronomio 26:7

Insan kinmerew kami na tulong ed Katawan a Dios na saray lalaki mi. Nadngel to kami tan anengneng toy irap mi, segsegang mi, tan say pangaskasiyan a kipapasen mi.

Deuteronomio 26:9

Inyakar to kami diad tan inter tod sikami yan mayaman tan mataban dalin.

Deuteronomio 26:14

Ag ak amawas na kinan ko ed kakaplo nen maneermen ak; ag ak angipaway ed abung ko na parti na kakaplok nen marotak ak onung ed ganggan, tan ag ak balut angalad kakaplo na inter kon limos a para inatey. Inonur ta ka, O Katawan; ginawak ya amin so ingganggan mo nipaakar ed kakaplo.

2 Saray Awaran 30:27

Kinerew na saray papari tan saray Levita a bindisionan komun na Katawan iray totoo. Nadngel na Dios a manaayam ed tawen so pikakasi ra et inawat to ra.

Saray Salmo 68:5

Say Dios a manaayam ed masanton Timplo to et aasikasoen to ray olila tan iyaagel to ray bibiin balo.

Saray Salmo 80:14

Lingaw mo kami pa, O Dios a Makapanyarin-amin! Manlapud tawen osdungan mo kami pa; gala pa ta ilaban mo ray totoom!

Deuteronomio 1:8

Amin da ra yan pasen et sikaray dalin ya insipan ko, siak a Katawan, ya iter ed saray lalaki yon di Abraham, Isaac, tan Jacob, tan diad saray kabyangay boleg da. Laka yo sirin tan panayaman yo.’”

Deuteronomio 6:3

Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

Saray Salmo 80:15

Gala pa ta ilaban mo yan ubas ya intanem mo, sayan malangwer nin ubas a pinabaleg mon mabisbiskeg!