Deuteronomio 23:9 - Maung A Balita Biblia

⁹ “No wala kayo ed kampo no panaoy bakal, paliisan yoy antokaman a makadotak ed sikayo onung ed ganggan.

Maung a Balita Biblia

⁹ No wala kayo ed kampo no panaoy bakal, paliisan yoy antokaman a makadotak ed sikayo onung ed ganggan.

Deuteronomio 23:9 Iomraidhean Croise

2 Saray Awaran 19:4

Nanayam ed Jerusalem si Josafat, balet ogali toy onla ed saray totoo, manlapud Beer-seba diad abalaten ya anggad samsamput na kapokdulan na Efraim diad baybay, ta tangguyoren to ray totoo ya ompawil ed Katawan a Dios da ray lalaki ra.

2 Saray Awaran 31:20

Ginagawa nen Ari Ezekias ed intiron Juda so matunong tan say makapaliket ed Katawan a Dios to.

Isaias 56:3

Say toon taga arum a bansa ya akikasakey ed saray totoo na Katawan et ag to nepeg ya ikuan, “Say Katawan ag to ak pangigalangen a kaibak iray totoo to.” Say toon kapun ag ton balut nepeg a nunoten a lapud ag to makaanak et ag to makapikasakey ed saray totooy Dios.

Lucas 3:14

Wala met iray sondalon nantepet, “Sikami met ey? Antoy nepeg min gawaen?” Inmebat ed sikara, “Ag kayo mimialay kuartad siopaman diad pamasoot o pangakusad sikato. Pasarag yoy suildo yo.”

Deuteronomio 23:10

No nagmaliw a marotak a sakey a laki lapud nampaterak ed kogip tod labi, nepeg ya ompaway ed kampo tan manayam ed paway.

Deuteronomio 23:8

Saray kabyangay boleg da ed kumatlon kailalakan tan mantombuk iran kailalakan et nayarin mikasakey ed saray totoo na Katawan.

Josue 6:18

Balet ag kayo mangaala na antokaman a nepeg a deralen; no mangala kayo, ondalan so gunigon tan deral ed kampo na Israel.

Saray Huis 20:26

Insan amin da ray Israelita linma rad Betel tan nanermen ira. Nanirung irad man ed arap na Katawan tan ag iran balut angan anggad labi. Angisaklang ira na saray bagat a popoolan tan saray bagat a para kareenan—insaklang da ra yan amin ed arap na Katawan.