Deuteronomio 22:8 - Maung A Balita Biblia

⁸ “No mamaalagey kayoy balon abung, kargaan yon kargaan na barandilyas iray gilig na atep to. Diad satan anggapo lay kasalanan yo no walay napelag tan ompatey.

Maung a Balita Biblia

⁸ No mamaalagey kayoy balon abung, kargaan yon kargaan na barandilyas iray gilig na atep to. Diad satan anggapo lay kasalanan yo no walay napelag tan ompatey.

Deuteronomio 22:8 Iomraidhean Croise

2 Samuel 11:2

Aminsan ya agew, nen ngarngarem la, binmangon si David ed pampapainawa to, insan linmad toktok na palasio. Diad panaakar-akar tod man akanengneng na sakey a biin manaames ed abung. Magangganan maung yan bii.

Exodo 22:6

“No say sakey a too et mamool ed alog to tan onkayamkam so apoy ed alog na arum a too tan napoolan iray ontutubon tanaman diman odino saray pinalot a nisimbun diman, say angigapoy apoy et nepeg a bayaran toy adarak.

Isaias 22:1

Sikato yay propisiya a nipaakar ed Patar na Pasingayew. Antoy nagagawa? Akin et mansisilibra ed toktok na kaabungan iray amin a katoowan?

Jeremias 19:13

Magmaliw a marotak a singa Tofet iray kaabungan ed Jerusalem tan saray kaabungan na saray ararid Juda, tan saray kaabungan a diad saray toktok da so nampopoolan na saray insinson para saray bitewen, tan diman met so angibungan na saray iinomen a bagat ed saray diriyos.”

Ezekiel 3:18

No ibagak ed sakey a toon maoges ya ompatey balet et ag mo pinasakbayan a mangoman ed bilay to pian nipaliis ed patey, sikakasalanan ya ompatey, balet singilen ta ka lapud impatey to.

Ezekiel 3:20

“No manggaway kaogsan so sakey a toon peteg a matonung tan ipapasen kod maatap a kipapasen, ompatey no ag mo pasakbayan. Ompatey lapud saray kasalanan to—ag ko nunoten iray kamaungan a ginagawa to—tan singilen ta ka lapud impatey to.

Mateo 10:27

Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Marcos 2:4

Balet lapud karakel na totoo, ag da niasingger ed kinen Jesus imay mansasakit. Kanyan binongawan day atep ya apetekan nen Jesus, insan da inyabeba may paralitikon walad dokulan.

Saray Gawgawa 10:9

Kaimbuas, nen asingger lad Jope ra may imbaki nen Cornelio, si Pedro et linmad toktok na abung a mampikasi nen ngalngali la alas dosid kaagewan.

Saray Taga Roma 14:13

Ag tayo la mansisintinsiaan, no ag ingen saya lay talagan gawaen yo: ag kayo manggagaway pakatumbaan o pakapankasalanay agi yo.

1 CORINTO 10:32

Mambilay kayo ya aliwan sikayoy panlapwan na pankasalanay siopaman—saray Judio, saray Grigo, o saray kabyangay iglisia na Dios.

Deuteronomio 22:7

Nayarin alaen yo ra may sibong, balet ibolus yo may ina, pian andokey so bilay yo tan maaligwas kayo.

Deuteronomio 22:9

“Ag kayo mantatanem na arum a tanaman ed alog ya angitaneman yod saray ubas yo; no taneman yo na arum a tanaman, ag yo la nikana so bunga na saray ubas tan say bunga na saray arum ya intanem yo.

FILIPOS 1:10

pian napili yoy sankamaungan ed amin a bengatla. Diad ontan nasabian kin malinis tan anggapoy pakabalawan no Agew nen Cristo.

1 TESALONICA 5:22

Arawian yoy amin a klasiy kaogsan.

1 Samuel 9:25

Nen linmeksab iran onlad baley manlapud samay pasen a panangigalangan imbilkagan dad toktok na abung si Saul,