Deuteronomio 21:8 - Maung A Balita Biblia

⁸ Katawan pirdonam pa ray totoon Israelita ya impaway mod Egipto. Pirdona mo kami pa, tan ag mo kami tetelen ed impamatey ed toon anggapoy kasalanan.’

Maung a Balita Biblia

⁸ Katawan pirdonam pa ray totoon Israelita ya impaway mod Egipto. Pirdona mo kami pa, tan ag mo kami tetelen ed impamatey ed toon anggapoy kasalanan.

Deuteronomio 21:8 Iomraidhean Croise

2 Samuel 3:28

Nen nadngelan nen David so agawa inkuanto, “Kabat na Katawan a saray totook tan siak et anggapoy pibabali mid sayan impamatey ed kinen Abner ya anak nen Ner.

1 Saray Arari 2:31

“Gawam so imbaga nen Joab,” ebat nen Solomon. “Patey mo tan ipompon mo. Diad satan anggapo lay ebatan ko tan siopaman nin kabyangay boleg nen David, lapud samay ginawa nen Joab nen pinatey to ray totoon anggapoy kasalanan.

2 Saray Arari 24:4

nagkalalo lad samay impamatey tod saray totoon anggapoy kasalanan. Ag napirdona na Katawan si Manases lapud saman a ginawa to.

Saray Salmo 19:12

Anggapoy toon makanengneng na saray dilin lingo to; ipaliis mo ak pa, Katawan, ed saray niamut a kasalanan!

Jeremias 26:15

Balet onyay andi-duaruwan nagawa: no pateyen yo ak, sikayo tan saray totood sayan siudad et mankasalanan lapud impamatey yod toon anggapoy kasalanan, ta say Katawan so angibakid siak ya iter kod sikayo yan pasakbay.”

Ezekiel 23:3

Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.

Jonas 1:14

Kanyan tinmawag irad Katawan, “O Katawan, pikasi mid sika ya ag mo kami pa dudusaen na patey lapud pangoyus mid bilay na sayan too. Sika, O Katawan, so akaoley ed sayan inkagawa; sika so nanggawad sayan amin.”

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

Deuteronomio 21:7

tan ikuanda, ‘Ag mi pinatey iman a too tan ag mi amta no siopay amatey ed sikato.