Deuteronomio 20:10 - Maung A Balita Biblia

¹⁰ “No onla kayon ondogpa ed sakey a siudad, itdan yon onona iray totoo to na pankanawnawa ya onsuko ra.

Maung a Balita Biblia

¹⁰ No onla kayon ondogpa ed sakey a siudad, itdan yon onona iray totoo to na pankanawnawa ya onsuko ra.

Deuteronomio 20:10 Iomraidhean Croise

Isaias 57:19

Itdan ko ran amin na kareenan, amin da ray walad arawi tan saray walad asingger! Paabigen ko ray totook.

Zacarias 9:10

Say Katawan kuanto, “Ekalen kod Israel iray karwahin para bakal; ekalen kod Jerusalem iray kabayon para bakal; naderal iray panan inkakanad bakal. Say ari yo et mikaaro ed saray arum a bansa; manoley a manlapud sakey a dayat ya anggad sananey a dayat, manlapud Ilog na Eufrates ya anggad saray samput na dalin.”

Saray Gawgawa 10:36

Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

2 CORINTO 5:18

Say Dios so nanggawad sayan amin. Aliwa kami lan kabosul to, no ag ingen imbilang to kami lan kaaro to diad panamegley nen Cristo, tan initdan to kamiy kimey a mamapawil ed saray arum a totoo ed sikato.

TAGA-EFESO 2:17

Linma diay Cristo tan impulong toy Maung a Balitan mangiiter na kareenan ed amin a katoowan—diad sikayo ran Hintil ya arawid Dios, tan diad saray Judio, ya asingger ed Dios.

Deuteronomio 2:26

“Insan manlapud kalawakan na Kedemot angibaki ak na totoo ed kinen Ari Sehon na Hesbon ya impaibagak ed sikato ira yan salita a mangiter na kareenan:

Deuteronomio 20:11

No lokasan da ray puirta ta onsuko la ra, magmaliw iran aripen yo tan pasoot yo ran panlingkuren ed sikayo.

Deuteronomio 20:9

No asumpal lan nansalita ed saray sondalo ira may opisyal, nepeg a pilien iray mangipangulod saray olup na sondalo.

Saray Huis 11:12

Angibakiy Jefte na pigaran totoo ed ari na Ammon a mangikuan, “Antoy makasengeg na pilalaban mod siak? Akin et nilooban mon bakalen so bansak?”

Saray Huis 21:13

Insan nampabakian na intiron tipon na saray Israelita ira may Benjaminitan walad baleg a Baton-dampay na Rimmon tan impaibaga rad sikara tondaan da la so bakal.