Deuteronomio 20:1 - Maung A Balita Biblia

¹ “No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Maung a Balita Biblia

¹ No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Deuteronomio 20:1 Iomraidhean Croise

Genesis 26:3

Dia ka la manayam; ibaan ta ka tan bindisionan ta ka. Iter ko yan amin a pasen ed sika tan saray kabyangay boleg mo. Tooren koy insipan kod kinen Abraham ya amam.

2 Saray Awaran 14:10

Pinmaway a milaban ed sikato si Asa. Diad Patar na Sefata ya asingger ed Maresa so namparaanan dan dua a mambakal.

2 Saray Awaran 14:11

Nampikasid Katawan a Dios to si Asa, “O Katawan, anggapoy miparad sika; nayarian mon tulongan iray makapoy tan saray makapanyari. Tulongan mo kami pa natan, O Katawan a Dios mi, lapud manmamatalek kamid sika tan, diad ngaran mo, pinmaway kamin mibakal ed sarayan amayamay a sondalo. Katawan, sika so Dios mi; anggapoy makapanilalon manalod sika.”

2 Saray Awaran 20:12

Sika so Dios mi! Dusam pa ra, ta anggapoy nagawaan min onsumpa ed sarayan amayamay a sondalon ondodogpad sikami. Ag mi amta no antoy gawaen mi, balet onaapireng kamid sika a tulongan mo kami.”

2 Saray Awaran 20:15

Inkuanen Jahaziel, “Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.

Saray Salmo 118:6

Kaibak so Katawan, ag ak ontakot; antoy nagawaay too ed siak?

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

Saray Salmo 23:4

Anggan sankabilongetay dadalanen ko, ag ak ontakot, ta wala kad abay ko. Say baston tan say pekpek mo iyaagel da ak.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 46:8

Gali dia, ta nengneng yoy ginagaway Katawan. Nengneng yo ray makapakelaw a ginagawa to diad tapew na dalin.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Jeremias 16:14

Say Katawan kuanto, “Onsabiy panaon ya anggapoy toon mansamba ed siak a mabilay a Dios ya angipaway ed dalin na Egipto ed saray totood Israel.

Zacarias 10:5

Saray totood Juda et manalo ran singa saray sondalo a gatin-gatinan dad pitek na daladalan iray kalaban da. Mibakal ira lapud kaiba ra so Katawan, tan taloen da ray anggan kumakabayon kalaban da.

Saray Bilang 10:9

No mibakal kayod loob na dalin yo, ta iyagel yoy sikayon dili ed saray kalaban a dinmogpad sikayo, paknul yod sarayan trumpita so tanul a para bakal. Siak a Katawan a Dios yo et tulongan ta kayo tan iyagel ta kayod saray kalaban yo.

Saray Bilang 23:21

Nanengneng kon say arapen na Israel Et anggapoy gunigon odino kakapoyan. Kaolup da so Katawan a Dios da; Ibabawag da a sikatoy ari ra.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Deuteronomio 1:29

“Balet inkuankod sikayo, ‘Ag kayo natatakot ed saraman a totoo.

Deuteronomio 2:7

“Nunot yo no panoy impamindision na Katawan a Dios yo ed amin a ginagawa yo. Inasikayo to kayo legan yon nanaakar-akar ed sayan maawang a kalawakan. Apataploy taon ya inolup to kayo, tan ag kayon balut kinmulang ed antokaman a nakaukolan yo.

Deuteronomio 20:2

Kasakbayan a mibakal kayo, onlad arap na saray sondalo so sakey a pari tan ikuantod sikara,

Deuteronomio 20:3

‘Lalaki na Israel, dengel kayo! Natad sayan agew onla kayon mibakal. Ag kayo ontatakot ed saray kalaban yo, ag yo papakapoyey linawa yo, tan ag kayo natataranta.

Deuteronomio 31:6

Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.”

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Deuteronomio 7:18

Ag kayo ontatakot ed sikara; nunot yo may ginawa na Katawan a Dios yo ed ari na Egipto tan amin a totoo to.

Deuteronomio 7:21

Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

Deuteronomio 9:3

Balet sikayon dili nanengneng yo natan a say Katawan a Dios et manayam ed onaan yo a singa manliub ya apoy. Taloen to ra legan a lolooban yo so dalin da, pian napataynan yo ra tan masiglat yo ran napatey onung na insipan to.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 11:9

Ginawa nen Josue ed sikara so onung na ingganggan na Katawan; nilolopuy to ray kabayo ra tan pinopoolan to ray karwahi ra.

Saray Huis 6:12

Pinmanengneng ed sikatod man so anghil na Katawan tan kuanto, “Walad sika so Katawan, sika a masebeg tan makapanyarin too!”

Saray Huis 6:16

Inmebat so Katawan, “Nayarian mon gawaen so pagagawak ed sika, ta tulongan ta ka tan mainomay mon kabilen iray Madianita; singa ka mangakabil na saksakey a too.”

1 Samuel 17:32

Inkuanen David ed kinen Saul, “Anggapoy nepeg ya ontakot ed saman a Filisteo! Onla ak tan labanan ko.”