Deuteronomio 2:23 - Maung A Balita Biblia

²³ Say dalin a gilig na dayat na Mediteraneo et nanayaman na saray totoon taga isla na Creta. Dineral da ray Avvim a totoon gendat a manaayam ed sayan pasen tan inala day amin a dalin da ya anggad baybay diad siudad na Gaza.)

Maung a Balita Biblia

²³ Say dalin a gilig na dayat na Mediteraneo et nanayaman na saray totoon taga isla na Creta. Dineral da ray Avvim a totoon gendat a manaayam ed sayan pasen tan inala day amin a dalin da ya anggad baybay diad siudad na Gaza.)

Deuteronomio 2:23 Iomraidhean Croise

Genesis 10:14

Patrus, Cuslu, tan Creta a sengeg na saray Filisteo.

Genesis 10:19

Say nasasakopan dan dalin, manlapud Sidon, et nampaabalaten ya anggad Gerar, diad abay na Gaza, tan nampabokig ya anggad Sodoma, Gomorra, Adma, tan Zeboim, diad abay na Lasa.

1 Saray Arari 4:24

Manoley si Solomon ed saray dalin ed sagur na Ilog na Eufrates, manlapud Tifsa ya anggad Eufrates tan anggad sagur na siudad na Gaza. Walad silong na pakaoley to ray amin ya ararid sagur na Eufrates, tan maung so pipiolup tod saray kakaabay ton bansa.

2 Saray Arari 18:8

Tinalo to ray Filisteo tan nilooban ton amin iray kawalaan da manlapud sankamelagan a bario ya anggad sankabalgan a siudad, pati say Gaza tan saray kaliber-liber to ran lugar.

1 Saray Awaran 1:12

Patrusim, Casluhim, Caftorim (a sengeg na saray Filisteo.)

Jeremias 47:4

Sinmabi lay oras na paneral ed Filistia, say oras na pamatonda ed amin a nakdaan a tulong a manlapud Tiro tan Sidon. Siak, say Katawan, deralen ko ray Filisteo, amin da ray nanlapud saray gilig na Creta.

Amos 9:7

Say Katawan kuanto, “Totood Israel, nununoten ta kayo a singa pannununot kod saray taga Sudan. Impaway kod Creta iray Filisteo tan diad Kir iray Siriano, a singa impangipaway kod sikayo ed Egipto.

Sofonias 2:4

Anggapoy nakeraan ed siudad na Gaza. Nataynan so Ascalon. Napataynan a kapalduay agew iray taga Asdod, tan napataynan ed siudad da iray taga Ekron.

Zacarias 9:5

Nanengneng ya na siudad na Ascalon, et nataktakot. Nanengneng met ya na siudad na Gaza, et manlikna na ontan lan sulit. Ontan met na Ekron, et nataktakot tan naandian na ilalo. Nabalang na Gaza so ari to tan nataynan so Ascalon.

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

Josue 10:41

Tinalo nen Josue ira yan amin a pasen manlapud Cades-barnea diad abalaten ya anggad Gaza ed gilig na dayat, pati intiron dalin na Gosen, tan anggad Gabaon diad baybay.

Josue 11:22

Anggapoy atilak ya Anakim ed dalin na Israel; balet wala ray pigaran atilak ed Gaza, Gat, tan Asdod.

Josue 13:3

ontan met ed intiron dalin a sakop na saray Avim ya anggad abalaten. (Say dalin a manlapud kolus na Sihor, diad ketegan na Egipto ya anggad baybay diad ketegan na Ekron et sakop na saray Cananeo; saray ari na Filistia et manaayam irad Gaza, Asdod, Askelon, Gat, Ekron.)

Josue 15:47

Wala met ni ra so siudad dan Asdod tan Gaza, a pati saray baley tan saray bario ra, a nasabi ra so kolus ed ketegan na Egipto tan say gilig na Dayat na Mediteraneo.

Saray Huis 1:18

Tinulongan na KATAWAN iray totoo nen Juda, kanyan asakup da ray kapokdulan a dalin. Balet ag da alooban iray Gaza, Ascalon, tan Ecron, pati saray kaliber-liber dan pasen. Sarayan totoon manaayam ed gilig na dayat et wala ray balatyang a karwahi ra, kanyan ag ira apataynan na saray totood Juda.