Deuteronomio 18:10 - Maung A Balita Biblia10 Ag yo ibabagat ed apoy a walad tapew na altar iray anak yo, tan ag yo aabuloyan a saray totoo yo et mamparles ira, tan ag yo aaligen so gagawaen da ray managbuyon, mananem, manangipanon ed maoges ya ispiritu, Faic an caibideilMaung a Balita Biblia10 Ag yo ibabagat ed apoy a walad tapew na altar iray anak yo, tan ag yo aabuloyan a saray totoo yo et mamparles ira, tan ag yo aaligen so gagawaen da ray managbuyon, mananem, manangipanon ed maoges ya ispiritu, Faic an caibideil |
Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.
Pian nasumpal nen Ari Josias iray ganggan a nisulat ed libron nalmo na Pangulon Pari a si Helcias diad dalem na Timplo, pinataynan tod Jerusalem tan diad intiron Juda iray amin a manangipanon ed saray ispiritu na inaatey tan amin a managpalar, tan inekal to ray diriyos ed abung, saray talintao, tan amin a bengatlan igagalang na saray pagano.
Ag yo dedengelen iray propita yo, odino siopaman a mangibabagan nayarian ton ipasakbay so nagawa ed arapen diad panamegley na saray kogip, odino diad panamegley na panawag tod saray ispiritu na saray inaatey, odino diad panamegley na salamangka. Ibabaga ran amin ya ag kayo nepeg a manlingkur ed ari na Babilonia.
Nanggagawa ra na saray altar a para Baal diad Patar na Hinnom, a pangibagatan dad dios a Moloc na saray anak dan lalaki tan bibii. Ag ko ingganggan ed sikara a gawaen day onya, tan ag anggan sinmebang ed kanunotan ko a gawaen da man a makapaingungot a bengatla, pian pankasalananen da ray totood Juda.”
Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.