Deuteronomio 18:1 - Maung A Balita Biblia

¹ “Saray Levitan pari a kabyangan ira na tribu nen Levi et anggapoy betang dad dalin na Israel; ingen say panlapwan na pambilay da et saray bagat tan saray rigalon inter ed Katawan.

Maung a Balita Biblia

¹ Saray Levitan pari a kabyangan ira na tribu nen Levi et anggapoy betang dad dalin na Israel; ingen say panlapwan na pambilay da et saray bagat tan saray rigalon inter ed Katawan.

Deuteronomio 18:1 Iomraidhean Croise

Jeremias 33:18

tan wala lawas iray paparin kabyangay tribu nen Levi a manlingkur ed siak tan mangisaklang na saray bagat a popoolan, saray bagat a trigo tan saray nandoroman bagat.”

Ezekiel 44:28

“Say apag na saray papari ed saray inter kod Israel et say inkapari ra a tawiren na saray kailalakan ya onsabi. Ag ira nepeg a mangayaryan na antokaman ed Israel; siak labat so nakaukolan da.

Saray Bilang 18:20

Say Katawan kuantod kinen Aaron, “Ag ka mangaawat na antokaman a kayaryan a nayarin tawiren, tan anggapoy nepeg ya ipabetang ed sikan parti na dalin. Siak a Katawan labat so nakaukolan mo.”

Saray Bilang 26:62

Say bilang da ray lalakin Levita a mantaon na sakey bulan a mampaatagey et duamplo tan talon libo. Nibiig ed saray arum ya Israelita so angilistaan ed sikara, lapud ag ira naitdan na antokaman a kayaryan ed Israel.

Deuteronomio 10:9

Sikato yay makasengeg a say tribu nen Levi et ag ira angawat na parti na dalin ya aliwan singa saray arum a tribu; say inawat da et samay pankanawnawa ran manlingkur ed Katawan, onung na insipan na Katawan a Dios yo.)

Deuteronomio 12:19

Ag yon balut papaolyan iray Levita legan na panayam yod dalin yo.

Josue 13:14

Si Moises ag to initdan na dalin so tribu nen Levi. Onung na imbaga na Katawan ed kinen Moises, say betang na saray Levita et say apag da ed saray bagat a popoolan ed altar na Katawan a Dios na Israel.

Josue 13:33

Balet anggapoy dalin ya impabetang nen Moises ed tribu nen Levi. Imbaga tod sikara a say betang da et say apag da ed saray bagat ed Katawan a Dios na Israel.

Josue 18:7

Balet saray Levita ag ira itdan na betang da ed dalin lapud say betang da et say panlingkur dan papari na Katawan. Say tribu di Gad, Ruben, tan say kapalduay tribu nen Manases et naawat da la so dalin dad bokig na Jordan ya inter ed sikara nen Moises ya aripen na Katawan.”