Deuteronomio 17:9 - Maung A Balita Biblia

⁹ tan iparontal yoy kaso yo ed saray Levitan papari tan diad huis ya akayorung ed saman a panaon, ta sikaray panintinsia yo.

Maung a Balita Biblia

⁹ tan iparontal yoy kaso yo ed saray Levitan papari tan diad huis ya akayorung ed saman a panaon, ta sikaray panintinsia yo.

Deuteronomio 17:9 Iomraidhean Croise

1 Saray Awaran 26:29

Nipabetang ed saray kabyangay boleg nen Izhar, a si Kenanias tan saray lalakin anak to, so kimey a pangikorit na saray awaran tan panariglo ed saray kolkolan da ray totood Israel.

Exodo 18:16

No walay duaran toon nankolkol, ondago rad siak tan ibagak no siopay walad katonungan. Ibabagak ed sikara iray ganggan tan saray bilin na Dios.”

Exodo 22:8

Balet no ag narel so nantakew, say toon angisinup na kayaryan et nepeg ya iyakar ed pasen a panangigalangan tan diman mansamba ya ag to tinakew so kayaryan na toon akipaknaan to.

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Ezekiel 44:24

No walay kolkolan na totoo, saray papari so manintinsia onung ed saray ganggan ko. Nepeg a mansilibra ra onung na ibabagay ganggan tan saray totontonen, tan nepeg a ngilinan dan masanto so Agew na Panagpainawa.

Aggeo 2:11

Inkuanto, “Tepet mod saray papari no antoy kuandad totontonen a nipaakar ed saya:

Zacarias 3:7

say Katawan a Makapanyarin-amin kuanto: “No onuren mo ray ganggan ko tan sumpalen mo ray kimey a nipabetang ed sika mansiansia kan makaoley ed Timplok tan diad saray patio to, tan dengelen ko ray pikakasim a singa pandedengel kod pikakasi da ray anghil a manaayam ed kawalaan ko.

Zacarias 7:3

tan itepet da ed saray papari tan saray propita yan tepet: “Ituloy tayo niy manermen lapud inkaderal na Timplo, diad panamegley na panayuno tayod kumaliman bulan a singa ginagawa tayo lad amayamay ya imbeneg a taon?”

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Deuteronomio 16:18

“Manoro kayo na saray huis tan saray arum ya opisyal ed kapag baley ya iter ed sikayo na Katawan a Dios yo. Sarayan totoo et nepeg ya ipakurang day katonungan ed saray totoo.

Deuteronomio 17:10

Iter day sintinsia ra, tan no antoy imbaga ran gawaen yo sikatoy nepeg a tombuken yo.

Deuteronomio 21:5

Onla met irad may Levitan papari, lapud sikaray manintinsia ed kason walay apasakitan odino adesiang. Say Katawan a Dios yo et pinili to ran manlingkur ed sikato tan mamindision ed ngaran to.

Deuteronomio 25:1

“Anto so gawaen no wala bilang so duaran Israelita ya onarap irad korti lapud kolkolan da, et say sakey nasintinsiaan a nankasalanan tan say sakey andi?

Deuteronomio 33:10

Ibangat da ray totoom a mangonur ed Ganggan mo; Mangisaklang ira na saray bagat ed altar mo.