Deuteronomio 17:8 - Maung A Balita Biblia

⁸ “Nayarin wala ray kason mairap a tuloy a sintinsiaan na saray huis ed baley, a singa bilang saray kason nipaakar ed saray kayaryan, odino impakasugat ed laman, odino ed impamatey ed too. No onyay nagawa, laka yod samay pasen a panangigalangan a pinili na Katawan a Dios yo,

Maung a Balita Biblia

⁸ Nayarin wala ray kason mairap a tuloy a sintinsiaan na saray huis ed baley, a singa bilang saray kason nipaakar ed saray kayaryan, odino impakasugat ed laman, odino ed impamatey ed too. No onyay nagawa, laka yod samay pasen a panangigalangan a pinili na Katawan a Dios yo,

Deuteronomio 17:8 Iomraidhean Croise

2 Samuel 15:2

Masaksakbay ya ombangun, onlad puirtay siudad tan manalagey ed abay na dalan. No walay onlad man a walay kaso to tan labay ton pasintinsiaan ed ari, tawagen nen Absalom tan tepeten to no taga iner. Kayarin ibaga na samay too so tribun nanlapwan to,

1 Saray Awaran 26:29

Nipabetang ed saray kabyangay boleg nen Izhar, a si Kenanias tan saray lalakin anak to, so kimey a pangikorit na saray awaran tan panariglo ed saray kolkolan da ray totood Israel.

Exodo 18:15

Inmebat si Moises, “Nepeg ko yan gawaen lapud saray totoo et ondadago rad siak a manepet no antoy linaway Dios.

Exodo 18:26

Manintinsia ra ed amiy panaon. Inyapireng dad kinen Moises iray ambelat a kaso, balet akaoley la ran anintinsia ed saray anlemew a kaso.

Exodo 21:20

“No say sakey a too et pekpeken toy aripen ton laki odino bii tan inatey ed samay bektan impamekpek to, nepeg a dusaen.

Exodo 21:22

“No walay pigaran totoon manlalaban tan apasakitan day sakey a biin malokun, et nakalan, balet ta ag nanliknay arum a kairapan, samay akapasakit ed sikato et nepeg a bayaran toy labay na asawa to may bii, onung na pangabubon na saray huis.

Exodo 21:28

“No bonoen na sakey a bakan kalakyan so sakey a too tan inatey, say baka nepeg a tupaken, tan ag kanen so laman to; balet ag nepeg a dusaen so akanbaka.

Exodo 22:2

Nepeg ton bayaran so tinakew to. No anggapon balut so kayaryan to, nepeg ya ilako a sakey ya aripen pian nabayaran so tinakew to. No nalmo ed sikato a mabilay so tinakew to a baka odino asno odino karniro, nepeg to a bayaran na duara so sakey. No diad labi et nasiwa so sakey a matakew ya onloloob ed sakey ya abung tan apatey, say akapatey ed sikato et ag mankasalanan na impamatey. Balet no diad agew so kagawa to, mankasalanan na impamatey.

Exodo 22:8

Balet no ag narel so nantakew, say toon angisinup na kayaryan et nepeg ya iyakar ed pasen a panangigalangan tan diman mansamba ya ag to tinakew so kayaryan na toon akipaknaan to.

Ezekiel 44:24

No walay kolkolan na totoo, saray papari so manintinsia onung ed saray ganggan ko. Nepeg a mansilibra ra onung na ibabagay ganggan tan saray totontonen, tan nepeg a ngilinan dan masanto so Agew na Panagpainawa.

Aggeo 2:11

Inkuanto, “Tepet mod saray papari no antoy kuandad totontonen a nipaakar ed saya:

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Saray Bilang 35:11

mamili kayo na saray siudad a salimbengan a nayari ran batikan na toon akapatey, ya ag to ginagala.

Saray Bilang 35:16

“Balet no say sakey a too et mangikana na armas a balatyang odino bato odino kiew ed pamatey to, mankasalanan lapud impakapatey toy too, kanyan nepeg a pateyen.

Deuteronomio 1:17

Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.’

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Deuteronomio 12:14

nepeg yo ran isaklang labat ed saksakey a pasen a pilien na Katawan ed dalin na sakey ed saray tribu yo. Diman labat so pangisaklangan yo na saray bagat a popoolan tan diman so panggawaan yod amin ya ingganggan kod sikayo.

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Deuteronomio 19:17

nepeg ya onla ran dua ed samay pasen a panangigalangan, tan sintinsiaan ira na saray pari tan saray huis a peles dan manlilingkur.

Deuteronomio 19:4

No walay toon makapatey ya ag to ginagala tan ag to kalaban nayarian toy ombatik ed sakey ed sarayan siudad et niyarawid kaatapan.

Deuteronomio 21:5

Onla met irad may Levitan papari, lapud sikaray manintinsia ed kason walay apasakitan odino adesiang. Say Katawan a Dios yo et pinili to ran manlingkur ed sikato tan mamindision ed ngaran to.

Deuteronomio 25:1

“Anto so gawaen no wala bilang so duaran Israelita ya onarap irad korti lapud kolkolan da, et say sakey nasintinsiaan a nankasalanan tan say sakey andi?