Deuteronomio 17:2 - Maung A Balita Biblia

² “No walay nadngelan yon balita a diad sakey ed saray baley yo et walay laki odino bii a nankasalanan ed Katawan a Dios yo tan dineral toy impisipanan na Katawan

Maung a Balita Biblia

² No walay nadngelan yon balita a diad sakey ed saray baley yo et walay laki odino bii a nankasalanan ed Katawan a Dios yo tan dineral toy impisipanan na Katawan

Deuteronomio 17:2 Iomraidhean Croise

2 Saray Arari 18:12

Ataloy Samaria, ta ag inonur na saray totood Israel so Katawan a Dios da; ag da sinumpal so impisipanan tod sikara. Ag da tinoluk ya amin iray ganggan ya inter nen Moises ya aripen na Katawan. Ag ira dinmengel odino tinmoluk.

2 Saray Arari 21:3

Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

Say Libro nen Job 31:28

Say nepeg a dusa na sayan kasalanan et patey; paandien ton wala so Makapanyarin-amin a Dios.

Exodo 22:19

“Nepeg a pateyen so siopaman a lakin misiping ed ayep.

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Jeremias 34:18

Saray opisyal ed Juda tan Jerusalem, pati saray opisyal ed palasio, saray papari, tan amin a pangulo et akisipanan irad siak diad panamegley na indalan dad nanleetan na pinaldua ran bakan kalakyan. Balet dineral da may sipanan, ta ag da inonur iray nepeg dan gawaen onung ed impisipanan da. Kanyan gawaen kod sarayan totoo so singa samay ginawa rad baka.

Ezekiel 16:38

Dusaen ta ka lapud pikakaloguran mo tan lapud panagpatey moy too, tan diad mapalalon pasnuk ko dusaen ta ka na patey.

Oseas 6:7

“Balet kaloob da ed dalin diad Adam, dineral da so impisipanan kod sikara.

Oseas 8:1

Say Katawan kuanto, “Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

Levitico 26:15

No ag yo onuren iray ganggan tan saray bilin ko tan deralen yoy impisipanan kod sikayo,

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Deuteronomio 17:5

ipaway yod baley itan a too tan tupak yo ya anggad ag to ipatey.

Deuteronomio 29:18

Manalwar kayo ya anggapoy sakey a laki, bii, pamilya, odino tribu a manalalagey natad sayan agew a mangikaindan ed Katawan a Dios tayo pian mangigalang ed saray diriyos na arum a bansa. Singa ya sakey a lamut a magmaliw ya ampait tan samal a tanaman.

Deuteronomio 29:25

Et say ebat saya, ‘Say makasengeg et lapud dineral na saray totoo so impisipanan ed sikara na Katawan, say Dios na saray lalaki ra, nen impaway to rad Egipto.

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Saray Hebreo 10:28

Pateyen ya anggapoy panangasi so siopaman ya ag mangonur ed Ganggan nen Moises no, lapud pantasi na duara o talora, et nalmoan a nankasalanan.

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”

Josue 7:11

Nankasalanan so Israel! Sinumlang da so paknaan ya ingganggan kod sikaran sumpalen da. Angala ra na pigaran bengatlan nepeg a deralen. Tinakew da, intila ray impanakew da, tan impikasakey dad saray kayaryan da.

Josue 7:15

Say toon narumog a kawalaan na saray bengatlan nepeg a deralen, poolan a pati saray kabyangay pamilya to tan amin a kayaryan to, ta makapasinagem so inter ton kababaingan ed Israel tan dineral to so impisipanan ko.”

Saray Huis 2:20

Insan say Katawan pinmetang so olo tod Israel tan kuanto, “Sayan bansa dineral day sipanan ya ingganggan kon onuren na saray atateng da. Lapud ag da ak inonur,

Saray Huis 6:31

Balet inkuanen Joas ed amin da may totoon dinmagod sikato, “Itatalindeg yoy Baal? Iyaagel yo? Napatey so siopaman a mangitalindeg ed sikato kasakbayan ya onsabiy kabwasan. No tuan dios si Baal, paolyan yon iyagel toy sikaton dili. Say altar to so ageba.”