Deuteronomio 17:16 - Maung A Balita Biblia

¹⁶ Say ari ag nepeg ya amayamay iray kabayo ton para saray sondalo to, tan ag to nepeg ya ibaki ray totoo to a manaliw ed Egipto na saray kabayo, ta imbaga la na Katawan ya ag lan balut ompawil diman iray totoo to.

Maung a Balita Biblia

¹⁶ Say ari ag nepeg ya amayamay iray kabayo ton para saray sondalo to, tan ag to nepeg ya ibaki ray totoo to a manaliw ed Egipto na saray kabayo, ta imbaga la na Katawan ya ag lan balut ompawil diman iray totoo to.

Deuteronomio 17:16 Iomraidhean Croise

2 Samuel 8:4

Adakep nen David so sanlibo tan piton lasus a kumakabayo to tan duamplon libon arum a sondalo to. Angikera na saray kabayon para sanlasus a karwahi, insan to nilolopuy iray arum.

1 Saray Arari 1:5

Si Adonias ya anak di David tan Hagit et yogtan nen Absalom tan mapalaloy inkaguapo ton laki. Ag balut apampasnukan nen David, tan pirawat toy magmaliw ya ari. Angiparaan la na saray ikana ton karwahi tan saray kabayo tan limamplon lalaki a mangolup ed sikato.

1 Saray Arari 4:26

Si Solomon walay apataplon libo a kabayo to a para karwahi tan labinduan libo a lalakin kumakabayo.

1 Saray Arari 5:6

Kanyan mangibaki ka pad Libano na saray totoom, ta ibatangan da ak na saray sidro. Tulongan ira na saray totook, et bayaran ko ray totoom no pigaray labay mo. Sikakabat ka met lanti ya ag naparaan na saray totook so dunong na saray totoom ed pambatang na saray kiew a sidro.”

2 Saray Awaran 1:16

Saray totoo na ari so makaoley ed panagsaliw na kabayo ed Musri tan Cilicia,

2 Saray Awaran 9:25

Si Ari Solomon walay apat a libon panangisiruman na saray karwahi tan saray kabayo to. Labinduan libo so kabayo ton para bakal. Impanayam tod Jerusalem iray pigara ed saraya, tan impanayam tod nandoroman siudad iray arum.

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

Exodo 13:17

Nen inabuloyan na ari ed Egipto ya ontaynan iray Israelita, ag ira inwanwan na Dios ed dalan a mamaarap ed dalin na Filistia, anggaman ya asingger iman a dalan. Ninunot na Dios, “Ag ko labay a mangoman na kanunotan iray totoo tan ompawil irad Egipto no nanengneng dan nepeg da niy mibakal.”

Exodo 13:18

Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga. Nen tinaynan day Egipto iray Israelita akaarmas ira na para bakal.

Exodo 14:13

Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Isaias 2:7

Napno na pilak tan balituk so dalin da, tan ag nabilang so kayamanan da. Napno na kabayo so dalin da, tan ag nabilang iray karwahi ra.

Jeremias 42:19

Insan intuloy kon inkuan, “Imbaga na Katawan ed sikayo ran atilak ed Juda ya ag kayo oonla ed Egipto. Kanyan papasakbayan ta kayo natan,

Ezekiel 17:15

Balet say ari na Juda linmaban tan angibakid Egipto na saray totoo to, ta miala ray kabayo tan saray amayamay a sondalo. Manalo kasi? Diad panggawa tod satan, makabatik kasi? Ag kasi nadusa no sumlangen to may paknaan?

Oseas 11:5

“Ag da labay so ompawil ed siak, kanyan nepeg ya ompawil irad Egipto tan manoley ed sikara so Asiria.

Oseas 14:3

Ag ka min balut nilaban na saray taga Asiria, tan ag kami niagel na saray kabayon para bakal. Ag min balut la ibagad saray talintao mi a sikaray Dios mi. O Katawan, kakasian mo ray totoo ya anggapoy napiregan da no ag sika lambengat.”

Mikias 5:10

Say Katawan kuanto: “Diad satan a panaon, ekalen kod sikayo ray kabayo yo tan deralen ko ray karwahi yo.

Deuteronomio 28:68

Say Katawan papawilen to kayod Egipto ya akalogan ed saray bapor, anggaman ya imbaga ton ag kayo lad man ompawil. Salien yon ilakoy sikayon dili ya ariripen na saray kalaban yo, balet anggapoy malabay a manaliw ed sikayo.”

1 Samuel 8:11

Impaliwawa to, “Onyay panoley ed sikayo na ari yo: Pagmaliwen ton sondalo ray anak yon lalaki; manlogan iray arum ed saray karwahi ton para bakal, mankabayo ray arum, tan mambatik iray arum diad onaan da ray karwahi to.