Deuteronomio 17:14 - Maung A Balita Biblia

¹⁴ “Kayari yon nakayaryan so dalin ya iter ed sikayo na Katawan a Dios yo tan manaayam kayo lad man, pampapaknaan yod satan a mankaukolan kayo na sakey ya ari a singa saray arum a bansan walad kaliber-liber yo.

Maung a Balita Biblia

¹⁴ Kayari yon nakayaryan so dalin ya iter ed sikayo na Katawan a Dios yo tan manaayam kayo lad man, pampapaknaan yod stan a mankaukolan kayo na sakey ya ari a singa saray arum a bansan walad kaliber-liber yo.

Deuteronomio 17:14 Iomraidhean Croise

Levitico 14:34

iray onggendan a totontonen a nipaakar ed saray abung a nabobootan. (Sarayan totontonen et tombuken ira no saray totood Israel et akaloob la ra ed dalin na Canaan ya iter na Katawan ed sikara.)

Saray Bilang 33:53

Kayaryanen yo so dalin tan panayaman yo, lapud iter kod sikayo.

Deuteronomio 11:31

Ngalngali yo la baliwen so Ilog na Jordan tan panayaman so dalin ya iter ed sikayo na Katawan a Dios yo. No naala yo tan napanayaman yo la,

Deuteronomio 18:9

“No onsabi kayod dalin ya iiter ed sikayo na Katawan a Dios yo, ag yo aaligen iray makapaingongot ya ogali na saray bansan wadman la.

Deuteronomio 26:1

“No alooban yo lay dalin ya iiter ed sikayo na Katawan a Dios yo, tan panaayaman yo la,

Deuteronomio 26:9

Inyakar to kami diad tan inter tod sikami yan mayaman tan mataban dalin.

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Josue 1:13

“Nunot yo man so imbaga nen Moises ya aripen na Katawan ya iter ton panayaman yo yan dalin diad nibokig na Jordan.

Josue 21:43

Kanyan say Katawan inter tod Israel so intiron dalin a sinambaan ton iter ed saray lalaki ra. Nen akayaryan da lay dalin, nanayam irad man.

1 Samuel 10:19

Sikatoy Dios yo, say angyagel ed sikayod amin a gunigon tan kairapan yo, balet natan impolisay yo ak tan kinmerew kayo na sakey ya ari. Sigi sirin, mantitipon kayod arap na Katawan, onung ed tribu tan onung ed boleg.’”

1 Samuel 10:25

Impaliwawa nen Samuel ed saray totoo iray kanepegan tan saray kimey na sakey ya ari, insulat to rad sakey a libro, tan insinup to ed sakey a masanton pasen. Insan to la pinasempet iray totoo ed kaabungan da.

1 Samuel 12:19

inkuandad kinen Samuel, “Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.”

1 Samuel 16:3

Imbitaan moy Jesse ed bagat, tan ibagak ed sikay gawaen mo. Lanaan mon manari so lakin ibagak ed sika.”

1 Samuel 8:11

Impaliwawa to, “Onyay panoley ed sikayo na ari yo: Pagmaliwen ton sondalo ray anak yon lalaki; manlogan iray arum ed saray karwahi ton para bakal, mankabayo ray arum, tan mambatik iray arum diad onaan da ray karwahi to.